Inandalahn 2:11 - Uwumbɔr aagbaŋ

¹¹ Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Inandalahn 2:11 ပူးပေါင်းရင်းမြစ်များ

Job Aagbaŋ 16:13

ki too mi ipiin i saa chaar mi ki tii mi titotonn ŋipepel mɔmɔk na, le kaa kpaan san mi kinimbaak.

Job Aagbaŋ 30:27

Ilandak ni iween le daa par par mi; Iwiin mɔmɔk kan, m kani falaa la.

Ilahn 119:82

Maah lik ki ban tiwan ni aa puu ke aa ga ŋa na pu na le nnimbil ti gur wu, le m baa ke, “Bayoonn aan aa ga ter mi?”

Ilahn 22:14

Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Ilahn 31:9

Uwumbɔr, san mi kinimbaak, ba pu? m bi tibɔr ni la; maah wii sakpen pu na le nnimbil wu, nwon mɔmɔk kpo la.

Ilahn 38:8

Nwon mɔmɔk kpo, le m lir kookoo, nsui mɔmɔk bii a, le m ker iween aadun.

Ilahn 6:7

Maadim aah cha m wii pu na duun duun nnimbil a, le maa ki waa mbamɔm.

Ilahn 69:3

Maah yin si pu ki ban nterm na le nneel ti waab, le nneen ni gur wu. Maah lik pu ki ban saaterm na, le nnimbil aa ti ki waa.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Aisaya 38:14

Nneel nan bi siib kina, kaa pɔɔ, le m nan dun ke linanjel aah wii pu na. Maah nan lik paacham pu na nan cha nnimbil wu la. Uwumbɔr, nyan mi tibɔbir timina mɔmɔk ni.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Jeremia 14:17

Uwumbɔr nan bui mi ke m tuk binib ngbaan maapombiin aah bi pu na ki bui bi ke, “M wii nwiin pu ni kinyeek la, taa cha m di cha iwiil, maanib aah kan titotonn sakpen, ni iween i na pu.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 44:7

“Kina pu le min Uwumbɔr Mpɔɔnsakpiindaan, u ye Israel yaab Aawumbɔr na baa nimi ke ba ŋa ni bi tun nibaa titunwanbir timina aaboln. Ni ban ke ni joo ni tibɔbir nan lii bijab, ni bipiib, ni mbim, ni mbipɔm pu, le nimi aanii ubaa taa gur aa?

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Inandalahn 1:11

Kaanib bi ban tijikaar; le ki ker idun. Bi joo baawangol le kpenni tijikaar ki ji ke bi ŋmar. Kitiŋ ngbaan wii le ke, “Uwumbɔr, lik maah bi pu na; lik mi, maanimbaak ni.”

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Inandalahn 5:17

Ti gur ye bibum la, le tinyunyunn cha taa ki waa,

Tibɔnyaan ti Luk ŋmee ti na 23:29

ba pu? falaa aayoonn choo. N‑yoonn ngbaan le bi ga len ke, ‘Bipiiŋoob bi kaa ma mbim kaa tii bi libiil na, bima le kpa mpopiin.’

1 Samuel 30:4

David ni waajab nan piin ki bi wii kaa ŋmin, le bi mɔmɔk nan ti bak.