Inandalahn 1:6 - Uwumbɔr aagbaŋ

⁶ Jerusalem aanyaan gur ye n‑yaayoonn na aawan la. Kaayidam gur naahn ipeeman i nkon joo i na la, i san ke i ŋmar bikpam chee, le yaapɔɔn mɔmɔk ti doo.

Inandalahn 1:6 ပူးပေါင်းရင်းမြစ်များ

2 Bibɔrb 19:21

u bui ke, “Jerusalem aatiŋ laa si, Senakerib, ki lik seen si.

2 Bibɔrb 25:4

le bi nan tur kitiŋ ngbaan aagon lir. Tɔ, Babiloŋ aajab nan gob kitiŋ ngbaan ti to, Juda aajab mu nan ti loon san kinyeek ki ŋmar. Bi nan dii libɔrdichal aasaak aasan la, le ki dii mbisamɔb mu bi ŋigon ŋilee ngbaan aakaasisik ni na, le ki di toŋ Jɔɔdann Aafataŋ wɔb.

2 Bibɔrb 25:5

Tɔ, Babiloŋ aajab ngbaan nan di paan Ubɔr Sedekia pu, le ki ti chuu u Jeriko aatiŋ pu, le waajab mɔmɔk san cha u.

Ilahn 50:2

Uwumbɔr wiin Sionn aatiŋ ki ŋan sakpen na ni.

Ilahn 96:9

Uwumbɔr u bi chain na yaa choo kan, gbaan unimbiin ni man; kitiŋ kee mɔmɔk li jii unimbiin ni.

Aisaya 1:21

Kitiŋ ki nan bi chain kaa kpa tijɔŋ tibaa na le gur tun ke upiidagoor na. N‑yoonn mubaa bininyaam ŋmeen le nan gbii ki ni, le dandana ma binikurb le gur bi ki ni.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 4:5

N‑yoonn ngbaan le Uwumbɔr ga tun ni ntaalangbam mu nan biin Sionn Aajool ni binib bimɔk kuun nima chee na nwiin pu, ki di iŋmanyuu ni mmiigaal mu wiin chain na biin bi pu kinyeek. Uwumbɔr aapak ki ye nwiihn na le ga biin ki kii kitiŋ ngbaan mɔmɔk.

Jeremia 13:18

Le Uwumbɔr bui mi ke, “Bui ubɔr ni una ke bi fii baabɔrjal pu, ba pu? baabɔryikpupur ti ŋan sakpen na chikr lir kitiŋ a.

Jeremia 29:4

“Uwumbɔr Mpɔɔnsakpiindaan, u ye Israel yaab Aawumbɔr na, bui binib bi mɔmɔk u nan cha Nebukadnesar chur Jerusalem ni ki di buen tinaagbiir ni, Babiloŋ aatiŋ ni na ke:

Jeremia 47:3

Bi ga ŋun itaan aataagbendun pu, ki ŋun itaan aatɔroku aawiil pu, ki ŋun baafambann aah weeni pu na. Tetiib aan fenn ban baabim; biwon ga yɔl, le biŋaal gur jɔn kaakaan.

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 52:11

Nee aapuwɔb, le u cha bi chuu lokr Sedekia aanimbil, le ki di tikululn gbin u ki di u buen Babiloŋ ni. Sedekia nan gaar kiyondiik ni Babiloŋ ni le ki ti saa nwiin mundaal u kpo na.

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 24:25

Uwumbɔr nan ki bui mi ke, “Unibɔn, m ga nyan Maadichal li pɔɔ aan bi gee ke bi li lik, ki chaa ti manni li aan li ye baamakl ni mmɔɔn na bi chee. M ga ki yoor bijapɔtiib ni bibisatiib mu bi chee.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.