Inandalahn 1:3 - Uwumbɔr aagbaŋ

³ Juda aanib gur ye binaagbiib bi kaa kpa nterm na la, le bi jenn nyan bi bido. Bi gur koo ntiyayam ponn ni la, kaa kpa nin chee bi ga yin ke baatiŋ na. Baadim le mann goln bi, le baa ki kpa nin chee bi ga dii nya ki ŋmar na.

Inandalahn 1:3 ပူးပေါင်းရင်းမြစ်များ

2 Bibɔrb 25:11

Nebusaradann nan di binib bi gur ki ponn ni na buen Babiloŋ aatiŋ ni, ni biwanŋab bi nyi baatun mbamɔm ki beenin bi nima na, ni binib bi nan nyan ti di bibaa kpee Babiloŋ yaab pu na.

2 Bibɔrb 25:21

ki bi Hamaf aapepel ni na chee. Nima chee ubɔr ngbaan nan ti cha bi ku bi. Kina le bi nan di Juda aanib buen tinaagbiir ni ki cha baatiŋ.

2 Bibɔrb 25:4

le bi nan tur kitiŋ ngbaan aagon lir. Tɔ, Babiloŋ aajab nan gob kitiŋ ngbaan ti to, Juda aajab mu nan ti loon san kinyeek ki ŋmar. Bi nan dii libɔrdichal aasaak aasan la, le ki dii mbisamɔb mu bi ŋigon ŋilee ngbaan aakaasisik ni na, le ki di toŋ Jɔɔdann Aafataŋ wɔb.

2 Bibɔrb 25:5

Tɔ, Babiloŋ aajab ngbaan nan di paan Ubɔr Sedekia pu, le ki ti chuu u Jeriko aatiŋ pu, le waajab mɔmɔk san cha u.

Jeremia 13:19

Bidim gob Juda aatim mu bi ŋŋangii wɔb na; ubaa aan ŋmaa bɔ bijab ni ki ti fuu bi chee. Bi di Juda aanib mɔmɔk buen tinaagbiir ni a.”

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 39:9

Kookoo na, Nebusaradann, u ye bijab ngbaan aayidaan na nan chur binib bi nan gur Jerusalem ni na, ki di kpee bi nan san ti kpee u pu na buen Babiloŋ ni, tinaagbiir ni.

Jeremia 52:15

Nebusaradann nan di binib bi gur ki ponn ni na buen Babiloŋ ni, ni biwanŋab bi nyi tiwan mbamɔm ki beenin bi nima na, ni binib bi nan nyan ti di bibaa kpee Babiloŋ yaab pu na.

Jeremia 52:8

Tɔ, Babiloŋ aajab nan di paan Ubɔr Sedekia pu, ki ti pii u Jeriko chee, le waajab mɔmɔk san cha u.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Inandalahn 4:15

Binib nan teen ke, “Li cha man. Ni kpa tijɔŋ. Taa meeh mi.” Kina le ubaa aa nan gaa bi, le bi chuun kpak ki nya litimbol lee ni, ki ti saa lee ni.

Inandalahn 5:5

Bi jak timi mpɔɔn ke ibon ni laakumii tiib na la, le ti ti bak, le baan cha ti fuur.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Ikaal 28:48

Kina pu na, ni ga li tun tii nimi aadim bi Uwumbɔr cha bi nan nyaŋ nimi butɔb ni na la. Nkon ni nnyunyuu ga chuu nimi, le ni ga chuun ni ŋmeen, kaan li kpa nibaa, ki ye bigiim. Uwumbɔr ga daa nitafal pam, le ni ti kuln.