Inandalahn 1:21 - Uwumbɔr aagbaŋ

²¹ Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Inandalahn 1:21 ပူးပေါင်းရင်းမြစ်များ

Ilahn 35:15

Le mma aah nan bi tibɔr ni na, bisui piir, le bi kuun ke bi ŋa mi mbɔnyun; biwɔwɔm gbaa mi, ki ki gbaa mi.

Ilahn 37:13

Le Uwumbɔr ma laa bibiindam, ba pu? u nyi ke naan yunn le bi kuln.

Ilahn 38:16

Taa cha maadim aasui piir maasuubiin pu; taa cha bi li kpa kipupuk maalirm pu.

Aisaya 14:5

Uwumbɔr kuln bitinjoob titunwanbirdam na aapɔɔn.

Aisaya 14:6

Bi nan joo liŋuul muk binib bi bi nan chur bi tinaagbiir na, ki ŋani bi falaa n‑yoonn mɔmɔk.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 48:27

Moab, teer saah nan yuul Israel aanib pu na. Aa nan ŋani bi ke baah ye binaayukb le bi chuu bi na.

Jeremia 50:11

Uwumbɔr len ke, “Babiloŋ aanib, ni nan gaa maatimbol aawangol butɔb ni. Ni kpa mpopiin le ki mɔɔni, le ki chuun ke unaa u bi taa gbaar ŋikalmaan, ni utaan u bi wii na,

Jeremia 50:15

Faa butɔb aakuun ki mann Babiloŋ aatiŋ. Babiloŋ aatiŋ di kibaa tii a. Bidim wiil kaagon ki koo ki ponn ni a. M bi teeni Babiloŋ la. Kina pu na, ni mu teen bi, ki ŋa bi ke baah nan ŋa biken pu na.

Jeremia 50:29

“Bui binib bi too itɔi na ke bi tak Babiloŋ aatiŋ. Cha umɔk nyi butɔm ni mpiin aatoom na buen. Gob man kitiŋ ngbaan ki taa cha ubaa ŋmar. Kaah nan di kigaak mɔk min, Israel yaab Aawumbɔr u bi chain na pu na, teen ki kaah nan tun pu na mɔmɔk, ki ŋa ki ke kaah nan ŋani ntim muken pu na.

Jeremia 50:31

“Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Jeremia 51:24

Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Jeremia 51:49

Babiloŋ cha dulnyaa wee mɔmɔk aanib kpo. Babiloŋ aah ku Israel aanib sakpen pu na, ki ga lir. Min Uwumbɔr le len kina.”

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Inandalahn 1:2

Kinyeek ni kitaak aawoln pu, kaanib wii la; le tinyunyunn puu dii bitakpin. Ubaa aa ki bi kijɔtiib mɔmɔk ponn ni ki ga sɔŋ kisui. Kimaantɔtiib di ki kooh a, le bi mɔmɔk gur ye kaadim.

Inandalahn 1:22

Cheer bi baabiin na mɔmɔk pu. Daa bitafal ke saah daa ntafal maatunwanbir pu pu na. Falaa ponn ni le m ker idun, le ni ye nsui ni iween.”

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Inandalahn 2:15

Binib bi jer kitiŋ ngbaan chee na lik ki, le ki laa ki. Bi gbakr biyil le ki laa Jerusalem aatiŋ, le ki baa ke, “Kitinyaan na le na aa? Kitiŋ ki nan ye dulnyaa mɔmɔk aamakl na le na aa?”

Inandalahn 2:16

Saadim mɔmɔk ŋani si yaansara, le ki gbee si kinanaŋ aaningbee. Bi mul bimɔi le ki bui ke, “Ti kuln ki a. Taah nan kii nwiin mu na le na.”

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Joel 3:14

Binib ŋichur ŋichur le gbii Libɔjil Aafataŋ ngbaan ni. Nima chee le Uwumbɔr aawiin ngbaan ga gbeen fuu ni mala.

Tibɔkpiirkaan 18:6

U bui ke, “Teen kitiŋ ngbaan kaah nan tii pu na. Teen ki kaah nan tun pu na mfum mulee. Gbiin kaayikuuk ndaan mu pɔɔk jer kaah tii biken na mfum mulee.