Inandalahn 1:2 - Uwumbɔr aagbaŋ

² Kinyeek ni kitaak aawoln pu, kaanib wii la; le tinyunyunn puu dii bitakpin. Ubaa aa ki bi kijɔtiib mɔmɔk ponn ni ki ga sɔŋ kisui. Kimaantɔtiib di ki kooh a, le bi mɔmɔk gur ye kaadim.

Inandalahn 1:2 ပူးပေါင်းရင်းမြစ်များ

Job Aagbaŋ 6:15

Le nimi njɔtiib ma ŋmanni mi ke utaal yaa kaa nun kan, ikpen ibaa foor pu na la.

Job Aagbaŋ 7:3

Uŋmal jer le uŋmal paan ni, le maa kpa limakl libaa; tinyer mɔmɔk joo ni mi mpombiin la.

Ilahn 126:5

Cha binib bi nan bi bu baajikaabim ki wii na nan chee ti, ni mpopiin.

Ilahn 31:11

Maadim mɔmɔk, ni binib bi koo gbɔk mi na lik seeni mi la; binib bi nyi mi na yaa kan mi kitiŋ ponn ni kan, bi san mi ijawaan, le ki san.

Ilahn 6:6

Mpombiin cha nwon mɔmɔk kpo a; maah wii kinyeek mɔmɔk pu na cha maawandookaan sɔŋ a, tinyunyunn sɔŋ maayikukur a.

Ilahn 69:21

Nkon aah nan chuu mi buyoonn na, le bi di njinn ŋa maajikaar ni; nnyunyuu aah chuu mi buyoonn na, le bi di tiwanyukaan ni mɔɔn na tii mi.

Ŋiyataŋak 19:7

Hali ugiin aanaabitiib aa yin u nibaa, kina pu na, naa ye iwaan ke ugiin aa kpa jɔ. U po gee u pɔɔn ubaa, ba pu? waan ŋmaa daa ubaa tam ni ubaa.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 2:25

Israel yaab, naah bi san ban ŋiwaa pu na le cha nitaa deer, le nineen ni mu kuur. Le ni bui ke, ‘Aayii. Taan ki fenn tipuwɔb. Ti gee ŋiwaa aabɔr pam, le ki ga li san dii ŋi.’”

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 4:30

Jerusalem aanib, ni kuln a. Ba ŋa ni pee ŋikekenyaan? Ba ŋa ni gbin nleenyaan ki di nkpanyaan boon ninimbil wɔb? Ni toor nibaa fam la. Nibɔtiib yii nimi le ki ban bi ku nimi.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Esekiel 16:37

Nimina pu na, m ga kuun ni aabɔtiib bikpokb bi aa nan gee bi na, ni saah nan kaa gee bi na nan kpaan. M ga cha bi nan mann goln si, le m chuu gbabr si ki cha bi kan si aaŋmeen.

Hosea 2:7

U ga li san paa ubɔtiib pu, le kaan pii bi. U ga ban bi, kaan kan bi, le ki bui ke, “M ga gir nchakpok chee la, nima chee nan soor ni maah gur bi pu na.”

Maika 7:5

Taa tii aajɔ, bee aa ni unii u koo gbɔk tɔb na naadii. Li nyi saah len pu na, hali aapuu mu chee kan, li nyi.

Tibɔkpiirkaan 17:13

Bibɔrb kipiik ngbaan kpa kimɔbaan, ki di baapɔɔn ni baayiko tii upeel ngbaan.

Tibɔkpiirkaan 17:16

Saah kan iyiin kipiik i na ni upeel ngbaan ga li nan upiidagoor, ki ga yoor waawan mɔmɔk ki cha u chuun uŋmeen, ki ga ji waawon ki see u mmii;