Inandalahn 1:17 - Uwumbɔr aagbaŋ

¹⁷ M taln ŋŋaal le ubaa aan ter mi. Uwumbɔr yin bidim bi nyan ŋipepel mɔmɔk na nan lii m pu. Le bi ŋani mi ke maah ye tijɔŋ aawan nibaa le na.

Inandalahn 1:17 ပူးပေါင်းရင်းမြစ်များ

1 Bibɔrb 8:22

Binib ngbaan aanimbiin ni nima, le Solomonn nan buen ti sil kitork aabimbiln chee, ki yoor uŋaal paacham,

1 Bibɔrb 8:38

li pel baameel. Saanib Israel yaab ubaa aasui yaa bii, le u taln uŋaal limeel ponn ni, ki di toŋ ni Saadichal limina kan,

2 Bibɔrb 25:1

Sedekia nan nyan Ubɔr Nebukadnesar aapuwɔb, kina pu na, Sedekia aanaan aabiwawaer ponn ni aaŋmapiik aawiin kipiik daal le Nebukadnesar ni waajab mɔmɔk dan nan tak Jerusalem aatiŋ. Bi nan ti kuun kal kitiŋ ngbaan aagbaan, le ki maa ŋibimbin tam tam kaagon ti mann to,

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 54:11

Uwumbɔr bui ke, “Jerusalem, sin u kpa kinimbaak na, kitiŋ ki kaa kpa uteter, kaa kpa ubaa aan u sɔŋ kisui na, m ga di ŋitakpanyaan le ki ki di maa saadinyikl.

Jeremia 12:9

Maanib bi m lee bi na naahn unyoon u kaasaa mam mann gob u na la. Yin ni ipeel aan i mu nan ji njim ngbaan.

Jeremia 15:5

Uwumbɔr ki len ke, “Jerusalem aanib, ŋma ga san nimi kinimbaak, bee usui bii ni pu? Ŋma ga kii ki sil siib kina ke u lik ke ni kpa laafee aan naa kpa?

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 6:3

bibɔrb ni baajab ga kuun kal nima la. Bi ga ŋa baagban aaboo ki maln kitiŋ ngbaan, le bi mɔmɔk ga kuun kal baah gee nin chee na.

Jeremia 8:18

Maapombiin aan ŋmaa sɔŋ; nsui bii sakpen a.

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Inandalahn 1:2

Kinyeek ni kitaak aawoln pu, kaanib wii la; le tinyunyunn puu dii bitakpin. Ubaa aa ki bi kijɔtiib mɔmɔk ponn ni ki ga sɔŋ kisui. Kimaantɔtiib di ki kooh a, le bi mɔmɔk gur ye kaadim.

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 4:15

Binib nan teen ke, “Li cha man. Ni kpa tijɔŋ. Taa meeh mi.” Kina le ubaa aa nan gaa bi, le bi chuun kpak ki nya litimbol lee ni, ki ti saa lee ni.

Esekiel 36:17

U nan bui ke, “Unibɔn, Israel yaab aah nan koo baatiŋ ni na, bi nan di baabimbin ni baah tun pu na le bii kaayimbil. Nsui nan gar baabimbin mu kaa nan bi chain ke upii u bi waaŋmal aapiir ni na aah kaa bi chain pu na pu.

Hosea 8:8

Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,