Inandalahn 1:14 - Uwumbɔr aagbaŋ

¹⁴ U ŋmee maatunwanbir mɔmɔk bil le ki buu ti mɔmɔk kpaan tɔb ni. U nan di ti leen nneen ni, le taanyunyuun nyii mi bil kitiŋ. Uwumbɔr di mi tii maadim, le maa nan kpa mpɔɔn mubaa bi chee.

Inandalahn 1:14 ပူးပေါင်းရင်းမြစ်များ

Ŋiyataŋak 5:22

Ubiindaan aatunwanbir ye gaawɔb la. Uma ubaa aatunwanbir le chur u.

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 27:12

M nan bui Juda Aabɔr Sedekia tibɔchachaan ngbaan la, “Kii tii Babiloŋ aabɔr. Li tun tii u ni waanib, ki li kpa limɔfal.

Jeremia 27:8

“Litimbol, bee nnaan mubaa yaa kaa kii tii u kan, m ga di butɔb, ni nkon, ni iween daa litafal ki ti saa buyoonn m ga cha Nebukadnesar kuln li pel pel na.

Jeremia 28:13

ke m buen ti tuk Hanania ke: “Uwumbɔr bui ke aa ga ŋmaa koo idɔ i pui inaaja aasil pu na, le u ga ŋa tikur yaan teen idɔ yoo ngbaan aabuul ni.

Jeremia 28:14

Uwumbɔr Mpɔɔnsakpiindaan, u ye Israel yaab Aawumbɔr na bui ke u ga di tikur aadɔ kina le leen ŋitimbol ŋee aasil ki cha bi li tun tii Babiloŋ Aabɔr Nebukadnesar. Uwumbɔr ki len ke u ga cha ipeel mu tun tii Nebukadnesar.”

Jeremia 32:3

Ubɔr Sedekia nan di mi laŋ nima ki galn mi ke m moon ke Uwumbɔr bui ke, “M ga cha Babiloŋ aabɔr nyaŋ kitiŋ kee

Jeremia 32:5

Bi ga di Sedekia buen Babiloŋ ni, le u ga ti gaar nima ki ti saa buyoonn m ga chiin u na. U yaa jan Babiloŋ yaab kijaak kan, waan ŋmaa nyaŋ bi. Min Uwumbɔr le len kina.”

Jeremia 37:17

N‑yoonn mubaa Ubɔr Sedekia nan tun yin mi, le ki nan bui mi libɔrchiln ni nima, libɔɔl ni, ke, “Uwumbɔr kpa tibɔr u tii timi ii?” Le m gar u ke, “Ti bi. Bi ga di si ŋa Babiloŋ aabɔr aaŋaal ni.”

Esekiel 11:9

M ga nyan ni kitiŋ kee ni ki di nimi tii biwɔwɔm. M siin nimi ke ni kpo la,

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Esekiel 23:28

Aadindaan Uwumbɔr aah len pu na sɔ: “M ga nyan si tii binib bi saa gee bi, aan aaponn ni sukr bi pu na.

Esekiel 25:4

Nisui aah nan piin pu na pu, le m ga cha ŋinibol ŋi bi liwipuul wɔb aateersakpiin ni na nyaŋ nimi. Bi ga ŋa baakakaa yaan nimi aatiŋ ni ki kal nima. Bi ga ji ŋisubil, ki nyu nnaabiin mu ba ye nimi yaan na.

Esekiel 25:7

Naah ŋa kina na pu le m ga di nimi tii ŋitimbol ŋiken aan ŋi su nimi kinaayuk ki yoor nimi aawan. M ga kuln nimi pel pel aan naan ki li ye litimbol, kaan ki li kpa nibaa aatingbaln. N‑yoonn ngbaan le ni ga bee ke min le ye Uwumbɔr.”

Hosea 5:14

M ga tak Israel ni Juda aanib ke uchinn na la. Min mbaa le ga daa par par bi, ki siir cha bi. M yaa nan dar bi cha kan, ubaa aan ŋmaa gaa bi lii.

Maika 2:3

Kina pu le Uwumbɔr bui ke, “M bi dakl ke m joo ni tibɔbir nan lii ni pu la, le naan ŋmaa nya ti ponn ni. Ni ga kan ke ni bi tibɔr ni la, le naan ki chuun kigaak aasachuln.

Ikaal 28:48

Kina pu na, ni ga li tun tii nimi aadim bi Uwumbɔr cha bi nan nyaŋ nimi butɔb ni na la. Nkon ni nnyunyuu ga chuu nimi, le ni ga chuun ni ŋmeen, kaan li kpa nibaa, ki ye bigiim. Uwumbɔr ga daa nitafal pam, le ni ti kuln.