Inandalahn 1:11 - Uwumbɔr aagbaŋ

¹¹ Kaanib bi ban tijikaar; le ki ker idun. Bi joo baawangol le kpenni tijikaar ki ji ke bi ŋmar. Kitiŋ ngbaan wii le ke, “Uwumbɔr, lik maah bi pu na; lik mi, maanimbaak ni.”

Inandalahn 1:11 ပူးပေါင်းရင်းမြစ်များ

2 Bibɔrb 6:25

Baah nan gob Samaria aatiŋ pu na, tijikaar aa nan ki bi Samaria aatiŋ ni, le ubon aayil nan daa tikur aamombil imonko inaa, le ŋituun likuruwaageln daa tikur aamombil ŋiŋmu.

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Jeremia 19:9

Bidim ga gob kitiŋ ngbaan ki ban ke bi ku kaanib. Baah ga gob ki pu na ga li bir sakpen, le binib bi bi ki ponn ni na ga ŋmɔ tɔb ki kpaan ŋmɔ bibaa aabim.”

Jeremia 38:9

“Mpɔɔndaan, bijab bimina aah ŋa pu na aa ŋan. Bi di Jeremia di ŋa nnyunbun ni; tijikaar aah kaa ki bi kitiŋ kimina ponn ni na, nkon le ga ku u nima.”

Jeremia 52:6

Libiln ngbaan aaŋmanaa aawiin iwae daal, buyoonn nkon nan moo nyaŋ aan tijikaar tibaa aa ki gur binib ji na,

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Inandalahn 2:12

Nkon ni nnyunyuu pu le bi wii ki ban binatiib. Bi chuun kitiŋ ponn ni le ki lir ke titotonn le aah pii bi na. Le bi dɔ binatiib aaŋaal ni ki ti kpo.

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Inandalahn 5:1

Uwumbɔr, teer tiwan ni dan ti pu na. Lik ni timi, ki kan timi aanimɔɔn.