Inandalahn 1:1 - Uwumbɔr aagbaŋ

¹ Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Inandalahn 1:1 ပူးပေါင်းရင်းမြစ်များ

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

2 Bibɔrb 23:33

Waanaan nan doo buyoonn Ijipt yaab aabɔr Neko nan chuu u tinaagbiir Ribla aatiŋ ki bi Hamaf aatiŋ pu na ni la. Ijipt yaab aabɔr ngbaan nan cha Juda aanib pan tikunabr aamombil ti aanyunyuun ga pii njikaabim kuruwaa ŋichur ŋitaa ni ikui inaa na, ni salmaa u mu aanyunyuun ga pii njikaabim kuruwaa piitaa ni binaa na, ke ni li ye lampoo aamombil.

2 Bibɔrb 23:35

Ubɔr Jehoyakim nan gaal binib lampoo ki ŋeer baakpal la, ke u gaa ŋimombil Ijipt aatiŋ aabɔr aah siin pu na.

2 Bibɔrb Aabɔr 9:26

Uma le nan ye bibɔrb bi mɔmɔk nan bi Yufrates Aamɔɔl wɔb ki ti saa Filistia ni Ijipt aatinaanmɔk na aabɔrkpaan.

Esra 4:20

Bibɔrb bi kpa mpɔɔn sakpen na nan joo Jerusalem ni Yufrates aamɔɔl aawilir aapepel mɔmɔk, ki gaal lampoo ni ŋimombil,

Nehemia 5:4

Le biken mu ki len ke, “Ti pinni ŋimombil le ki pa timi aakpaakon, ni ŋisubil aasar aalampoo pu.

Nehemia 9:37

Bibɔrb bi aa cha bi joo timi, timi aatunwanbir pu na le gaal kitiŋ ngbaan aah ŋani tijikaar ti na. Bi ŋani timi, ni timi aawakor baah gee pu na la, le ni bii tisui sakpen.”

Ilahn 122:4

Uwumbɔr aanib choo nima la, ke bi nan doon u, waakaal aah mɔk pu na.

Aisaya 14:12

Babiloŋ aabɔrkpaan, aa nan ye ke kichakpiik ni aaŋmabil na, le dandana aa nyan kitaapaak ki ker lir ni kitiŋ. N‑yoonn mu jer na, aa nan chur ŋitimbol tinaagbiir, le dandana ma, bi mee si lii kitiŋ.

Aisaya 22:2

Kitisakpeŋ ngbaan mɔmɔk ponn ni kpa kifuuk la; ki gbii kifuuk ni mpopiin la. Nimi aajab bi kpoi butɔb bue ni na aa bi jaa le ki kpoi.

Aisaya 3:26

Kitiŋ ngbaan aagoln li maln gob ki na aabisamɔb ga li wii ikpowiil, le kitiŋ ngbaan kibaa ga li gur naahn upii u bi chuu gbabr waakeken aan u gur ka kitiŋ uŋmeen na, aah bi pu na la.

Aisaya 49:21

Le aa ga bui ke; ‘Ŋma ma mbim mue mɔmɔk tii mi? Maabim nan wɔŋ, le maa nan ki ŋmaa ma biken. Bi nan di mi buen tinaagbiir ni; ŋma kpiin mbim mue? M nan gur mbaa baanja la, mbim mue mɔmɔk nyan ni la chee?’”

Aisaya 50:5

Uwumbɔr tii mi ntafaŋum, le m kii kaa yii waamɔb, kaa fenn mpuwɔb tii u.

Aisaya 52:2

Sin Jerusalem, gbuk gaa aabaa lii. Fii nyan titan ni ki kal saabɔrjal pu. Nimi Sionn aanib bi ye binaagbiib na, chuu gbinn tikululn ti bi di baa nimi na.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Jeremia 31:7

Uwumbɔr ki bui ke, “Li gaa mpopiin aalahn Israel aatimbol li ye litimbol sakpeln ki jer ŋitimbol mɔmɔk na pu man. Gaa nimi aapak aalahn man, ‘Uwumbɔr gaa waanib lii a; u gaa binib bi mɔmɔk gur na lii a.’

Jeremia 40:9

Gedalia nan bui bi ke, “M puu tii nimi ke ijawaan ibaa aa bi ni ga li san i ke ni ti di nibaa tii Babiloŋ aajab. Kal kitiŋ kee pu man, ni yaa tun tii Babiloŋ yaab kan, ni ga li ŋan tii nimi.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Jeremia 50:23

Babiloŋ nan di ugagaar gbaa wɔi dulnyaa wee mɔmɔk, le ugagaar ngbaan kool doo. Ŋitimbol mɔmɔk yaa kan tiwan ni ŋa kitiŋ ngbaan na kan, ijawaan ga chuu ŋi.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Inandalahn 2:1

Uwumbɔr aaŋuul ponn ni le u di mbɔmbɔɔn biin Sionn pu. U nan kpeln kaanyaan na ŋa tilangbenn. Waaŋuul ngbaan daal le u nan nyan cha Waadichal.

Inandalahn 2:10

Jerusalem aajaninkpiib gur ka kitiŋ le ki ŋmin chii, ki di titan puŋ biyil, ki pee tiwan ni saak kuub na. Bisapɔm ka tii biyil la.

Inandalahn 4:1

Timi aasalmaa u nan moor lak lak na gur bɔn timm la. Uwumbɔr Aadichal aagon ŋi wii na aatakpal yaa, le ki dɔ kitiŋ ponn ni, ni kookoo.

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 26:16

Bibɔrb bi mɔmɔk bi dandar nnyusakpem aapuwɔb na ga suln baabɔkur ŋi bi ŋa nyɔla nyɔla ŋi pu na, ki ka kitiŋ ki jii. Saabɔr ga chuu bi ijawaan sakpen le baan ŋmaa di cha njiim.

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Esekiel 5:5

Ndindaan Uwumbɔr nan ki len ke, “Lik Jerusalem aatiŋ. M di ki siin dulnyaa aakaasisik ni la, le ntim mu gur na mann goln ki.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

Tibɔkpiirkaan 18:7

Kitiŋ ngbaan nan nyuŋ kibaa ki gaa tiwanyaan ki ti nyaŋ. Cha ki ji falaa ki li kpa mpombiin ki ti ki saa kina; ba pu? ki len kisui ni ke ki ye ubɔrpii, kaa ye ukpopii, kaan kan mpombiin kpala.