Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.
Ubɔr ngbaan nan dii isan i Uwumbɔr nan di tii waabɔnabtiib Gad ni Natann ke bi di tii Ubɔr David na. Gad le nan ye unii u joo Uwumbɔr aabɔr nabr tii ubɔr ngbaan na. Ubɔr Hesekia nan ban Liifai yaab siin Uwumbɔr Aadichal ni, le bi joo tibar ni ichayakrtuun,
M ga sil di kibeek gaa ilahn ki pak si. Maawumbɔr, m ga pak si saaŋann sakpenn pu. M ga di maabeek tii sin u ye Israel yaab Aawumbɔr u bi chain na kipak.
M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.
Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.
