Ilahn 97:10 - Uwumbɔr aagbaŋ

¹⁰ Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Ilahn 97:10 ပူးပေါင်းရင်းမြစ်များ

Ilahn 101:3

kaan kii tii titunwanbir kpala. M nan binib bi fenn bipuwɔb tii Uwumbɔr na; m ni bima aan kpaan ki tun lituln.

Ilahn 119:104

M kani nlan saakaal chee pam, kina pu na, maa gee mbimbin mumɔk kaa ŋan na.

Ilahn 119:163

Maa gee ke m kan inyamɔn kpala, le ki tee gee saakaal ma.

Ilahn 121:7

Uwumbɔr ga li kii si linimaln mɔmɔk ni, u ga li joo si, nibaa taa pii si.

Ilahn 125:3

Bibiindam aan ŋmaa li joo bininyaam n‑yoonn mɔmɔk; bi yaa joo bi kina kan, nibaakan, bininyaam ngbaan mu ga nan tun titunwanbir.

Ilahn 145:20

U kiir unii umɔk gee u na, le ki tee ga kuln bibiindam.

Ilahn 31:23

Uwumbɔr aanib bi dii u mbamɔm na mɔmɔk, li gee u man. Uwumbɔr kii binib bi dii u mbamɔm na la, le ki dar bigaadam aatafal baah ŋeer pu na.

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 36:4

U yaa dɔ kan, u dak ilandak i kaa ŋan na la; waatun mɔmɔk aa ŋan, le kaa yiil titunwanbir aatuln.

Ilahn 91:14

Uwumbɔr bui ke, “M ga gaa binib bi gee mi na lii, ki li kii binib bi nyi mi ke m ye Uwumbɔr na.

Ŋiyataŋak 2:8

U kiir binib bi gee biŋeen aatɔtiib na, ni binib bi di bibaa tii u na.

Ŋiyataŋak 3:7

Taa dakl daalbaadaal ke aa nyi jer saah nyi pu na; kii tii Uwumbɔr, ki yii titunwanbir aatum.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Jeremia 15:21

M ga nyan si mbiindam, ni binib bi aabimbin pɔɔ na aaŋaal ni. Min Uwumbɔr le len kina.”

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Daniel 6:22

Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

Daniel 6:27

U gaal binib lir ki cha bi ŋmar; u tun iwaan, ni lijinjiir aatuln paacham, ni kitiŋ do. U cha ichinn aa ŋmaa ku Daniel.”

Amos 5:14

Cha tiwan ni ŋan na li ye tiwan ni ni ban na, ki taa li ban kinimbɔŋ aabɔr, ki li kpa limɔfal; le Uwumbɔr Mpɔɔnsakpiindaan ga sil li bi ni chee, ke naah len ke u bi ni chee pu na.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Rom Yaab 7:15

Maah ŋani pu na, maa kii kina nsui ni. Maah kaa gee ke m li ŋani tiwan ni na, m ŋani nima la. Maah nan tiwan ni na, nima le m tee ŋani.

Rom Yaab 7:24

M kpa kinimbaak. Titunwanbir bi tiwon tee ni, ki ga ku mi. Ŋma ga nyan mi titunwanbir ngbaan ni?

1 Korenti 8:3

Unii mu yaa gee Uwumbɔr kan, Uwumbɔr beer udaan ngbaan.

2 Tesalonika 3:2

ki li mee u ke u nyan timi titunwanbirdam bi kaa ŋan na aaŋaal ni; ba pu? naa ye binib mɔmɔk le gaa Yesu ki kii.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

1 Jɔnn 4:19

Uwumbɔr le nan puen gee timi. Nima pu le ti mu gee u.

1 Jɔnn 5:18

Ti nyi ke unii umɔk ye Uwumbɔr aabo na aa ki tun titunwanbir; ba pu? Uwumbɔr Aajapɔɔn kii u, le kinimbɔŋ aan ŋmaa ŋa u nibaa.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.