Ilahn 97:1 - Uwumbɔr aagbaŋ

¹ Uwumbɔr le ye ubɔr, kina pu na, kitiŋ, li mɔɔni. Nnyusakpem aadik, li mɔɔni man.

Ilahn 97:1 ပူးပေါင်းရင်းမြစ်များ

Mpiin 10:5

biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Ilahn 2:11

Di ijawaan dii Uwumbɔr man,

Ilahn 93:1

Uwumbɔr le ye ubɔr. U kpa nnaan aapak ni mpɔɔn. Kitiŋ nyal si kaabuul ni, kaan foor.

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 41:5

Binib bi bi ntim mu bi dandar ni na kan maah ŋa pu na, le ijawaan chuu bi, le biwon gbaa. Le bi mɔmɔk kuun tɔb chee.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 49:1

Nimi ŋitimbol ŋi bi dandar na, li pel man, nimi binib bi koo dandar na, li pel man. Waahr aan bi nin ma mi na, le Uwumbɔr nan lee mi, ki di mi siin ke m li ye waatutunn.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 51:5

M ga dan mala ki nan gaa bi lii; n‑yoonn mu m ga di nyaŋ binib na ŋɔŋni a. Min mbaa le ga li joo ŋitimbol mɔmɔk. Ntim mu bi dandar na aanib ka kii mi ke m dan; bi ka kii mi, ki kpa limakl ke m ga nan gaa bi lii.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Matiu 3:3

Uwumbɔr aabɔnabr Aisaya nan len Jɔnn aabɔr ke, “Unii ubaa bi nteersakpiin ni ki tar ke: ‘Toor Uwumbɔr aasan man, ki ŋa waasan mu li tok ki tii u.’”

Matiu 6:10

Saanaan dan. Bi li ŋani saageehn dulnyaa wee ni ke baah ŋani paacham pu na.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Tibɔnyaan ti Mak ŋmee ti na 11:10

Uwumbɔr aanyoor bi tiyaaja David aanaan mu choo na pu. Hosiana bi paacham.”

Kolosiya 1:13

Uma le nan nyan timi mbɔmbɔɔn aanaan ni, ki nabr timi di buen Ujapɔgeehn aanaan ni.

Tibɔkpiirkaan 11:17

ki len ke, “Tidindaan Uwumbɔr, u yeh mpɔɔn mɔmɔk, ki nan bi, ki beenin bi na, ti dooni si; ba pu? aa di saapɔɔn sakpiin ki joo dulnyaa wee.