Ilahn 96:9 - Uwumbɔr aagbaŋ

⁹ Uwumbɔr u bi chain na yaa choo kan, gbaan unimbiin ni man; kitiŋ kee mɔmɔk li jii unimbiin ni.

Ilahn 96:9 ပူးပေါင်းရင်းမြစ်များ

2 Bibɔrb Aabɔr 29:28

Unii umɔk nan bi nima chee na nan piin Uwumbɔr aadoon, le lilahngaal ni liwangbaal nan beenin damni, le bi ti see kitork ngbaan mɔmɔk mmii ni doo.

2 Bibɔrb Aabɔr 29:29

Le Ubɔr Hesekia ni binib ngbaan mɔmɔk gbaan kitiŋ ki doon Uwumbɔr.

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

Esra 7:27

Le Esra bui ke, “Pak Uwumbɔr, u ye tiyaajatiib Aadindaan na man. U cha ubɔrkpaan kpa mpopiin ke u nyuŋ uma Uwumbɔr Aadichal li bi Jerusalem ni na kina.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Ilahn 114:7

Kitiŋ, li jii; ba pu? Uwumbɔr choo, Uwumbɔr u tiyaaja Jakob mu nan dii u na,

Ilahn 29:2

Pak Uwumbɔr aayimbil li kpa kipak na man. Peen tiwanpeenkaan ni ye chain na, ki li dooni u man.

Ilahn 33:8

Kitiŋ kee mɔmɔk, li san Uwumbɔr ijawaan. Dulnyaa aanib mɔmɔk, nyuŋ u man.

Ilahn 76:11

Tiin Uwumbɔr naah puu ke ni ga tii u pu na; ŋitimbol ŋi mɔmɔk bi ki duun na, li joo ni ipiin nan tii u man. Uwumbɔr cha unibɔn san u ijawaan;

Ilahn 76:7

Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Esekiel 7:20

N‑yoonn mubaa bi nan kpa kigaak baatakpanyaan pu la, le bi di ŋi ŋa ŋiwaa ŋi sukr ponn ni na. Nima le cha Uwumbɔr cha baawangol sukr biponn ni.

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”