Ilahn 96:2 - Uwumbɔr aagbaŋ

² Gaa ilahn tii Uwumbɔr man, ki pak u. Iwiin mɔmɔk kan, ni li mooni waah gaa timi lii pu na aabɔnyaan.

Ilahn 96:2 ပူးပေါင်းရင်းမြစ်များ

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

Ilahn 103:20

Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 145:1

Maawumbɔr u ye maabɔr na, m ga moon saah kpa mpɔɔn pu na; m ga li dooni si ki ti saa n‑yoonn mu kaa kpa ndoon na.

Ilahn 145:10

Uwumbɔr, saawanfuurkaan mɔmɔk ga pak si, le saanib mɔmɔk ga doon si.

Ilahn 145:2

M ga li dooni si iwiin mɔmɔk; m ga li pak si ki ti saa n‑yoonn mu kaa kpa ndoon na.

Ilahn 40:10

Maa di tibɔnyaan ngbaan di bɔr, n‑yoonn mɔmɔk kan, m len saah ŋan sakpen ki ter mi pu na la. Maan li si ŋmin saanib mɔmɔk aakuun ni, m ga len saageehm mu bi n‑yoonn mɔmɔk na, ni saah si chob pu na aabɔr.

Ilahn 71:15

M ga bui binib saah kpa tiŋann pu na; m ga li len saah gaal binib lir pu na ki ti saa nwiin aah ga lir pu na, tɔ, ni mu tee jer maah ga ŋmaa bee pu na.

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Tibɔnyaan ti Mak ŋmee ti na 16:15

Le u ki tuk bi, “Ni li cha dulnyaa mɔmɔk ni, ki di tibɔnyaan tee tuk binib mɔmɔk.

Lituln 13:26

Tɔ, Pɔɔl nan ki bui bi, “Nnaabitiib, Abraham aayaabitiib, ni binib bi kaa ye Juu yaab ki pak Uwumbɔr na, timi chee le Uwumbɔr nan tun ni tibɔnyaan ke u ga gaa timi lii.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Tibɔkpiirkaan 5:13

Le m ŋun binib bi bi paacham na, ni binib bi bi kitiŋ na, ni binib bi bi kitiŋ aataab na, ni tiwan nimɔk bi nnyusakpem ni na, ni Uwumbɔr aah naan tiwan nimɔk na mɔmɔk len ke, “Uwumbɔr u ka libɔrjal pu na, ni Upihbo ngbaan le yeh mpakm, ni lisil, ni nnyuŋ, ni mpɔɔn, n‑yoonn mu kaa kpa ndoon na.”