Ilahn 96:10 - Uwumbɔr aagbaŋ

¹⁰ Bui ŋitimbol mɔmɔk ke, “Uwumbɔr le ye ubɔr. Kitiŋ si kaabuul ni chib, kaan ŋmaa foor daalbaadaal; u ga di ibamɔn ji binib tibɔr.”

Ilahn 96:10 ပူးပေါင်းရင်းမြစ်များ

Ilahn 126:2

Ti nan laa, le ki gaa mpopiin aalahn. Le ŋitimbol ŋiken nan bui ke, “Uwumbɔr tun ŋitukpaan tii bi.”

Ilahn 18:49

Kina pu le m pak si ŋitimbol ponn ni; m gaa ilahn ki pak si.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 46:6

Ijawaan chur ŋitimbol, le nnaan mɔmɔk jii; Uwumbɔr tar, le kitiŋ bunn doo.

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Ilahn 59:13

kuln bi pel pel saaŋuul ponn ni. Kina kan, unii mɔmɔk ga bee ke Uwumbɔr le joo Israel aanib, ki joo unii mɔmɔk kitiŋ kee pu.

Ilahn 67:4

Cha ŋitimbol li kpa mpopiin ki gaa mpopiin aalahn; ba pu? aa joo ibamɔn le ji binib tibɔr, le ki mɔk litimbol mɔmɔk kitiŋ kee pu saasan.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ilahn 9:8

Ibamɔn pu le u joo dulnyaa wee; u joo ibamɔn le ji ŋinibol aabɔr.

Ilahn 9:9

Uwumbɔr le gaal bimukdam lir, tibɔr aayoonn kan, uma chee le bi kani lifuur.

Ilahn 93:1

Uwumbɔr le ye ubɔr. U kpa nnaan aapak ni mpɔɔn. Kitiŋ nyal si kaabuul ni, kaan foor.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Matiu 3:2

le ki mooni, “Kpeln nimi aabimbin man. Uwumbɔr aanaan peen ni a.”

Lituln 17:31

Ba pu? u siin nwiin bundaln u ga ji binib mɔmɔk tibɔr na, ki ti saa baah ŋa ki ŋeer pu na. U nyan uja u ga ji binib tibɔr na. U nan fikr uja ngbaan nkun ni, nima le ye limɔkl tii binib mɔmɔk.”

Galantiya 1:16

Waageehn pu le u kpiir Ujapɔɔn aah bi pu na mɔk mi, ke m buen ti tuk binib bi kaa ye Juu yaab na waabɔr. Waah ŋa kina na, le maa buen unii ubaa chee ki ti kpokl maah ga ŋa pu na,

Kolosiya 2:7

ki too chuu u ke busub aanyaan aah koo kitiŋ pu na, ki li bae waabɔr n‑yoonn mɔmɔk, ki gaa ti ki kii mbamɔm, taah nan tuk nimi pu na, ki li dooni u n‑yoonn mɔmɔk.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.