Ilahn 95:8 - Uwumbɔr aagbaŋ

⁸ “Taa cha nitafal li pɔɔ ke niyaajatiib aah nan bi pu Meriba aatiŋ ni na, ke baah nan ŋa pu nteersakpiin ni, Masa aatiŋ ni na.

Ilahn 95:8 ပူးပေါင်းရင်းမြစ်များ

Nnyam 17:2

Le bi ŋulni Moses pu ki bui ke, “Tiin timi nnyun ti nyu.” Le Moses giin kii bi ke, “Ba ŋa ni bi ŋulni? Ba ŋa ni bi tɔŋni Uwumbɔr?”

Nnyam 17:7

Bi nan yin nima chee ke Masa, ki ki yin ni ke Meriba; ba pu? Israel yaab nan ŋulni Uwumbɔr pu ki tɔŋ u, ki baa ke, “Uwumbɔr bi ti chee aan waa bi?”

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 14:27

“Bayoonn aan mbiindam bee ga di cha kaan ki ŋul m pu? Maah ŋun bi len tibɔr ti kaa ŋan m pu pu na, ni ti nyaŋ a.

Nkahm 20:13

Nimina mɔmɔk nan ŋa Meriba aatiŋ ni, nin chee Israel aanib nan ŋulni Uwumbɔr pu na la, le u nan mɔk bi ke u bi chain.

Lituln 19:9

Le bi ponn ni bibaa aatafal pɔɔ. Baa kii tii waaliin, le ki len tibɔr ti kaa ŋan na Tidindaan aasan pu, kinipaak aanimbil ni. Kina pu le Pɔɔl siir cha bi, ki di binib bi dii Yesu aasan na buen uja u bi yin u ke Tiranus na aadisakpeŋ ki ponn ni binib ŋmaa kuun ni na. Idaa mɔmɔk le u ni binib gbaa tɔb chee Yesu aabɔr nima.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Ikaal 6:16

“Ni taa tɔŋ Nidindaan Uwumbɔr ke naah nan ŋa pu Masa aatiŋ ni na.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

Hiibru Yaab 3:13

Ni li pɔɔk tɔb aataakpab iwiin mɔmɔk, nsan aah laa bi pu buyoonn na, titunwanbir taa ŋmann unii ubaa aan utafal li pɔɔ.

Juud 1:5

Ni nyi maah ga tuk nimi pu na mɔmɔk. Le m ban m teer nimi. Uwumbɔr nan nyan Israel yaab Ijipt aatiŋ ni ki gaa bi lii. Le u mu nan ku bi ponn ni binib bi kaa gaa u ki kii na.

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.