Ilahn 95:4 - Uwumbɔr aagbaŋ

⁴ Uma le joo kitiŋ kee mɔmɔk, ki nya kitakpaluŋ ki nyoo sakpen na ni ki ti saa ligongoln li paa sakpen na paab.

Ilahn 95:4 ပူးပေါင်းရင်းမြစ်များ

Job Aagbaŋ 11:10

Uwumbɔr yaa chuu si ki di si buen libɔjil kan, ŋma bi ki ga ŋmaa nyii u pu?

Job Aagbaŋ 9:5

U cha ŋijoo foor ŋaabuu ni kaa nyi ke ŋi foor, le waaŋuul ponn ni kan, u kuln ŋi.

Ilahn 135:6

U ŋani waah gee pu na paacham ni taab, ni nnyusakpem aataab.

Ilahn 21:2

Aa tii u usui aah ban pu na; aa kii waameel.

Ilahn 65:6

Saapɔɔn pu le aa di ŋijoo siin ŋaabuu ni, ki mɔk saapɔɔn sakpiin.

Ilahn 71:20

Aa cha tibɔbir ni falaa dan m pu, le aa ga ki giin ni maapɔɔn, saan cha m kpo.

Ilahn 97:5

Ŋigongon donn ke nsiikpan na le Uwumbɔr aanimbiin ni, ŋi donn kitiŋ kee mɔmɔk Aadindaan aanimbiin ni la.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Nahum 1:5

Ŋijoo jii Uwumbɔr aanimbiin ni la; le ŋigongon donn unimbiin ni. Kitiŋ yaa kan Uwumbɔr kan, ki deŋni la; dulnyaa, ni binib bi mɔmɔk bi u pu na aawon gbaa la.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.