Ilahn 95:3 - Uwumbɔr aagbaŋ

³ ba pu? Uwumbɔr ye Mpɔɔnsakpiindaan la, ubɔr mpɔɔnsakpiindaan u joo dindatiib mɔmɔk na.

Ilahn 95:3 ပူးပေါင်းရင်းမြစ်များ

Nehemia 8:6

Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Ilahn 104:1

M joo nsui mɔmɔk pak Uwumbɔr la. Ndindaan Uwumbɔr, saapɔɔn nyaŋ sakpen a. Aa kpa nnaan aapɔɔn ni nnyuŋ;

Ilahn 135:5

M nyi ke Uwumbɔr kpa mpɔɔn, u kpa mpɔɔn jer ŋiwaa.

Ilahn 145:3

Uwumbɔr kpa mpɔɔn, kina pu le ni ŋan ke ti pak u sakpen; waapɔɔn nyaŋ a.

Ilahn 47:2

Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

Ilahn 47:3

U cha ti nyaŋ binib; u cha ti joo ŋitimbol ŋiken.

Ilahn 96:4

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki jer dindatiib mɔmɔk.

Ilahn 97:9

Uwumbɔr u kaa kpa ŋeen aatɔ na, sin le ye kitiŋ kee mɔmɔk aajojoor; saapɔɔn nyaŋ dindatiib mɔmɔk aapɔɔn.

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Jeremia 46:18

Min Uwumbɔr Mpɔɔnsakpiindaan le ye ubɔr. Min le ye Uwumbɔr u bi n‑yoonn mɔmɔk na. Unii u ga tak si na ga li kpa mpɔɔn ke Tabor Aajool aah paa jer ŋijoo mɔmɔk pu, ki mu ga li kpa mpɔɔn ke Kamel Aajool aah paa jer nnyusakpem pu na la.

Jeremia 48:15

Moab ni kaatim kuln a; kaanachipɔm bi ŋan sakpen na kpo a. Min le ye ubɔr, Uwumbɔr Mpɔɔnsakpiindaan le ki len kina.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Matiu 5:35

Ni taa puu kitiŋ mu; ba pu? kitiŋ ye Uwumbɔr aataa aajal la. Ni taa puu Jerusalem mu; ba pu? Jerusalem ye Uwumbɔr u ye Ubɔrkpaan na aatiŋ la.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.