Ilahn 94:4 - Uwumbɔr aagbaŋ

⁴ Taa cha titunwanbirdam aagaak ki yunn, aan bi li beenin kpa kipupuk baatunwanbir aatuln pu.

Ilahn 94:4 ပူးပေါင်းရင်းမြစ်များ

Job Aagbaŋ 20:5

ubiindaan ubaa aa nan kani mpopiin ki cha dik dik.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 140:3

Bilambil bi ke uwaa u kpa liluul na la; baamɔbon kpa liluul ke saapa aaluul na la.

Ilahn 31:18

Ŋmin binyamɔndam aafuuk, ŋmin bigaadam ni bimakdam bi len bininyaam bɔfam na aafuuk.

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Ilahn 59:12

Tibɔbir bi bimɔi ni, le baamɔbon mɔmɔk ye tibɔbir la; cha baagaak di bi koon tibɔr ni, Baah puuni ki geei inyamɔn pu na,

Ilahn 59:7

Li pel baah seei ki faani pu na. Baanyin bi ke kijaak aajum na le bimɔi ni, le ki dak ke ubaa aa pel bi chee la.

Ŋiyataŋak 30:14

Binib bibaa ŋani bigiim ni bifalaadam mbiin ki kuln bi ke bi taa ki li bi na.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Daniel 7:11

Maah nan beenin si lik na, m nan beenin ŋun n‑yiin waatiir na aah beenin seei ki puk kipupuk pu na. Maah si lik na, le m kan ke bi ku upeel nanar na, ki di waawon mee ŋa mmiigaal ni, le u wun.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 7:8

Maah nan si lik iyiin ngbaan na, le m kan n‑yiin waatiir mubaa tur nyan ni iyiin kipiik na ponn ni. Mu nan tur iyiin kipiik na ponn ni itaa lii. N‑yiin mue nan kpa unibɔn aanimbil, ni bumɔb bu puk kipupuk sakpen a.

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Matiu 12:24

Farisii yaab aah ŋun kina na, le bi len ke Beelsebul, u ye tiyayaar aayidaan na, le tii u mpɔɔn ke u nyan tiyayaar binib ni.

Matiu 12:34

Nimi ikuub aabim, ni ye titunwanbirdam la. Ni ga ŋa kinye ki len iliin i ŋan na? Ilandak i gbii unii aasui ni na, ima le u ga len.

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.