Ilahn 94:20 - Uwumbɔr aagbaŋ

²⁰ Aa ni bibɔjirb bi gaal igaŋgaŋlik na aa kpaani tɔb chee. Bima le cha ibamɔn gangal tun lituln,

Ilahn 94:20 ပူးပေါင်းရင်းမြစ်များ

1 Bibɔrb 12:32

Jeroboam nan ki siin ŋiwaa aajim mubaa ŋmaniin aawiin kipiik ni iŋmu daal, ke baah ŋani Uwumbɔr aajim Juda aapepel ni pu na. Betel aatiŋ ngbaan aatork aabimbiln pu, le u nan toor kitork tii waah di salmaa naan inaajabi i na, le ki ban bitotoorb bi tun waah maa tiwaadir ti na ponn ni lituln nan kaan Betel ni, nima.

Ilahn 50:16

Le Uwumbɔr bui bibiindam ma ke, “Ba ŋa ni cha maakaal bi nimɔb ni? Ba ŋa ni len maah puu tipuur ti na aabɔr?

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Ilahn 58:2

Aayii. Ni dak titunwanbir ti ni ga ŋmaa ŋa na pu baanja la, le ki tun mpɔɔn aatunwanbir kitiŋ kee pu.

Ilahn 82:1

Uwumbɔr le ye paacham aaninkpiib aakuun ni aayidaan; bitinjoob aakuun ni, u tii bi waalandak ke,

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Ulandaan 3:16

Tiwan ni ki kpee na le ye ke m kan ke ibamɔn ni lituln li ŋan na aa ba ga li bi nin chee dulnyaa wee ni na, mbiin le bi nima.

Ulandaan 5:8

Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Aisaya 10:1

Nimi aadoon le na. Nimi bi naani ikaal i kaa ye ibamɔn ki joo muk maanib na aadoon le na.

Amos 6:3

Nimi, ni yii kaa kii ke nwiin mundaal tiwan mɔmɔk ga bii na choo, le naah tee ŋani pu na le moo joo nwiin ngbaan duuni nimi.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Jɔnn 11:57

Le Uwumbɔr aatotoorninkpiib ni Farisii yaab nan bui bi ke unii ubaa yaa nyi waah bi nin chee na kan, u mɔk bi, aan bi buen ti chuu u.

Jɔnn 18:28

Le bi di Yesu nyan Kayafas aadichal ni, ki di u buen kitiŋ ngbaan aaninkpel aadichal ni, bi yin u ke Pailat. Ni nan ye lichakpitaawoln la. Juu yaab aaninkpiib nan ban ke bi li bi chain ki ji Lakr‑jer aajim, nima le baa nan koo ni lidichal ngbaan ni.

Jɔnn 9:22

Budabu cha bi len kina na le ye ke bi san Juu yaab aaninkpiib ijawaan; ba pu? Juu yaab aaninkpiib nan puun len ke unii yaa bui ke Yesu le ye Kristo u ga gaa binib lii na kan, bi ga nyan udaan mmeen aadiik ni.

1 Samuel 22:12

Sɔɔl nan bui Ahimelek ke, “Li pel, Ahimelek.” Le u bui ke, “Maaninkpel, m sɔ.”