Ilahn 94:2 - Uwumbɔr aagbaŋ

² Sin le ye unibɔn mɔmɔk aabɔjir; fii sil ki tii bigaadam tiwan ni ŋeer bi na.

Ilahn 94:2 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

Ilahn 31:23

Uwumbɔr aanib bi dii u mbamɔm na mɔmɔk, li gee u man. Uwumbɔr kii binib bi dii u mbamɔm na la, le ki dar bigaadam aatafal baah ŋeer pu na.

Ilahn 50:6

Paacham len ke Uwumbɔr aabimbin ŋan, ke uma le ye ubɔjir.

Ilahn 68:1

Uwumbɔr fii sil ki cha waadim yaa tɔb chee. Binib bi kaa gee u na lir le ki san.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 74:22

Uwumbɔr, fii sil ki len saabɔr. Teer ke binib bi kaa dii si na laa si le nwiin ti lir.

Ilahn 82:8

Uwumbɔr, dan, ki nan joo dulnyaa; ŋitimbol mɔmɔk ye sin yaan la.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Aisaya 37:29

M ŋun saah kpa liŋuusakpeln ni kigaak pu na, le dandana m ga di njapiin di pui aamɔfal ni, le ki di itangar mu di ŋa aamɔb ni, ki di si giin dii nsan mu aa dii ni ki dan na.”

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Maika 5:9

Israel yaab ga nyaŋ baadim le ki ku doo bi mɔmɔk.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”