Ilahn 94:16 - Uwumbɔr aagbaŋ

¹⁶ Ŋma nan sil nchaŋ ni bibiindam chee? Ŋma nan sil mpuwɔb titunwanbirdam chee?

Ilahn 94:16 ပူးပေါင်းရင်းမြစ်များ

2 Bibɔrb 10:15

Jehu nan ki di kal nsan pu, le Rekab aajapɔɔn Jonadab ti ton u nsan ni. Jehu nan doon u le ki bui u ke, “M ni sin aalandak kpaan la. Aa ga ter mi ii?” Le Jonadab kii ke, “M ga ter si.” Le Jehu bui u ke, “Kina kan, tii mi ŋŋaal.” Bi nan tii tɔb iŋaal, le Jehu ter u aan u koo u chee waataan aatɔroku ni,

2 Bibɔrb 9:32

Jehu nan waan lik paacham le ki teen ke, “Ŋma si nchaŋ ni?” Libɔrdichal ni aaninkpiib bilee bee bitaa nan baan takolu ni lik ni u,

Nehemia 5:7

le m fii ki sil ti pu. M nan len binib ngbaan aaninkpiib ni baayidam chee kaa di bɔr, le ki bui bi ke, “Nimi le bi muk nibaa aana aabim.” M nan kuun binib mɔmɔk ke m lik tibɔr ngbaan,

Ilahn 118:6

Uwumbɔr bi m chee, kina pu na, maan san ijawaan; ubaa aan ŋmaa ŋa mi nibaa.

Ilahn 17:13

Uwumbɔr, fii, laŋ maadim aasan ki nyaŋ bi. Di saajaak aajuk gaa mi lii bibiindam chee.

Ilahn 59:2

Gaa mi titunwanbirdam chee lii; Chuu gaa mi binikurb chee lii.

Aisaya 59:16

Ni gar u pam ke ubaa aa bi u ter baah muk binib bi na. Kina pu na, u ga di ubaa aapɔɔn le di gaa bi lii, ki ji linyaŋ ngbaan.

Aisaya 63:5

Maah nan lik kaa kan ubaa u ter mi na, ni nan ŋa mi iwaan pam. Le maaŋuul pɔɔk ntaakpab, le m nyaŋ maadim mbaa.

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Esekiel 22:30

M lik ke m kan unii u ga ŋmaa maa ligoln na, unii u ga ŋmaa sil nin chee ŋigon lir na, ki kiir kitiŋ ngbaan buyoonn maaŋuul ban li kuln ki na, tɔ, m mu aa ŋmaa kan ubaa.

Nkahm 10:35

N‑yoonn mu bi ti piin ki joo Uwumbɔr Aakaal Aadakaa cha na, le Moses bui ke, “Uwumbɔr, fiin ki yaa saadim, ki jenn binib bi nan si na.”

Matiu 12:30

“Unii umɔk kaa dii mi na, u ye maadin la. Unii umɔk kaa kuuni binib tii mi na, u yaal bi la.

3 Jɔnn 1:8

Nima pu, ni ŋan ke timi bi dii Yesu aasan na li ter bi. Ti yaa ter bi kan, ti ter bi ke bi tuk binib Yesu aabɔr ti ye mbamɔn na la.

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”