Ilahn 94:14 - Uwumbɔr aagbaŋ

¹⁴ Uwumbɔr aan siir cha waanib; waan suln binib bi ye waanib na aabɔr.

Ilahn 94:14 ပူးပေါင်းရင်းမြစ်များ

Ilahn 34:12

Aa ban ke aa ji tinachipɔnn aa? Aa ban limɔfal li mɔ ki fɔk na aa?

Ilahn 37:28

ba pu? Uwumbɔr gee tiwan ni ŋan na la, kaa siir cha waanib bi dii u mbamɔm na. U kii bi n‑yoonn mɔmɔk, le ki ga jenn nyan bibiindam ma.

Ilahn 74:2

Teer saanib bi aa nan lee bi n‑yoonn mu jer na pu, saanib bi aa nan nyan ni bi tinaagbiir ni ke bi nan li ye saanibol na. Teer Lijool Sionn, nin chee aa nan koo na bɔr.

Ilahn 94:5

Uwumbɔr, bi wɔi saanib; bi muk binib bi ye saanib na.

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Liifai Yaab 26:44

Tɔ, hali bi yaa beenin bi baadim aatiŋ ni kan, maan yii bi, kaan bii bi kookoo, kaan bii tipuur ti m nan puu tii bi na, ba pu? m ye Bidindaan Uwumbɔr.

Rom Yaab 8:30

Binib bi Uwumbɔr nyan bi na, le u yin bi. Binib bi u yin bi na, le u len ke baabɔr ŋan, ki nyuŋ bi.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Ikaal 32:9

le ki nyan Jakob aamaal ke bi li ye waanib.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.