Ilahn 94:13 - Uwumbɔr aagbaŋ

¹³ Aa tii u lifuur, tibɔr aawiin daal, ki ti saa n‑yoonn mu bi gbii libuul bilni bibiindam na.

Ilahn 94:13 ပူးပေါင်းရင်းမြစ်များ

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Ilahn 49:5

Linimaln ni, buyoonn maadim mann goln mi na kan, maa san ijawaan;

Ilahn 55:23

Uwumbɔr, sin ma ga joo ni binikurb, ni binyamɔndam ngbaan baakaakul ni aan baamɔfal ligeln nin doo. Mma kan, m ga di naadii tii sin la.

Ilahn 9:15

Binib bi kaa nyi si na gbii libuul, le ki lir li ponn ni; bibaa aagaawɔb mam le chur bi.

Jeremia 18:20

Tibir le bi joo pa tiŋann aa? Bi gbii libuul bil mi ke m nan lir li ponn ni. Teer maah nan dan aa chee ki nan gaŋ si bi pu ke aa taa daa bitafal saaŋuul ponn ni pu na.

Jeremia 18:22

Cha kinipaak nan loon bi ki gaa baawangol; cha ijawaan chuu bi aan bi wii mpɔɔn pu. Bi gbii libuul bil mi ke m nan lir li ponn ni, ki pen mi gaawɔb mam.

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Hiibru Yaab 4:9

Naah bi pu na, lifuur beenin bi ki tii Uwumbɔr aanib.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

Tibɔkpiirkaan 11:18

Ŋinibol aanib nan gee liŋuul, le saaŋuul mu fii, le ni ŋeer aa ji bitekpiib tibɔr, ki ŋeer aa di ipiin tii saabɔnabtiib bi ye saatutum na, ni saanib bi mɔmɔk pak si na, bi ye biwaatiib na, ni bi ye bisakpem na, ki ŋeer aa kuln binib bi ku dulnyaa aanib na.”

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”