Ilahn 93:1 - Uwumbɔr aagbaŋ

¹ Uwumbɔr le ye ubɔr. U kpa nnaan aapak ni mpɔɔn. Kitiŋ nyal si kaabuul ni, kaan foor.

Ilahn 93:1 ပူးပေါင်းရင်းမြစ်များ

1 Bibɔrb Aabɔr 16:30

Kitiŋ kee mɔmɔk, li jii unimbiin ni. Kitiŋ si kaabuul ni chob, kaan ŋmaa foor daalbaadaal.

1 Bibɔrb Aabɔr 16:31

Kitiŋ ni kitaapaak, li mɔɔni man. Tuk ŋitimbol mɔmɔk ke Uwumbɔr le ye ubɔr.

1 Bibɔrb Aabɔr 29:12

Nkam ni liwankpal mɔmɔk nyan ni sin chee la, le aa joo saapɔɔn joo tiwan mɔmɔk, le ki ga ŋmaa cha unii mɔmɔk kan liyimbil ni mpɔɔn.

Job Aagbaŋ 40:10

Ni yaa ye kina kan, di saanyuŋ ni limakl fii sil; di mpɔɔn ni kipak biin aabaa pu.

Ilahn 103:19

Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 145:13

Saah ga joo binib pu na aa kpa ndoon. Aa ga li ye ubɔr n‑yoonn mɔmɔk. Uwumbɔr ŋani waah puu tipuur ti na mɔmɔk, ki san kinimbaak waatuln mɔmɔk ni.

Ilahn 18:32

Uma le ye Uwumbɔr u tii mi mpɔɔn na, uma le nyani tibɔbir maasan ponn ni.

Ilahn 59:13

kuln bi pel pel saaŋuul ponn ni. Kina kan, unii mɔmɔk ga bee ke Uwumbɔr le joo Israel aanib, ki joo unii mɔmɔk kitiŋ kee pu.

Ilahn 65:6

Saapɔɔn pu le aa di ŋijoo siin ŋaabuu ni, ki mɔk saapɔɔn sakpiin.

Ilahn 65:7

Aa cha nnyusakpem ŋmini chii; ki cha mu aanyunkpenn ŋmini chii; binib yaa faa kifuuk kan, le aa ŋmin bi chii.

Ilahn 75:3

Tɔ, tiwanfuurkaan mɔmɔk aawon yaa gbaa, aan kitiŋ kibaa mu jii kan, m ga cha kaatinyik li pɔɔ kin kin.

Ilahn 96:10

Bui ŋitimbol mɔmɔk ke, “Uwumbɔr le ye ubɔr. Kitiŋ si kaabuul ni chib, kaan ŋmaa foor daalbaadaal; u ga di ibamɔn ji binib tibɔr.”

Ilahn 97:1

Uwumbɔr le ye ubɔr, kina pu na, kitiŋ, li mɔɔni. Nnyusakpem aadik, li mɔɔni man.

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Aisaya 11:5

U ga joo waanib mbamɔm ni kinyaan.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 51:16

Min le daa taln kitaapaak, le ki baan kitiŋ aatinyik; le m bui Jerusalem yaab ke, ‘Nimi le ye maanib. M tii nimi maamɔkm, le ki joo ŋŋaal kii nimi.’”

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 59:17

U ga di mbimbinyaan mu bi ke tikur ti bii kibiŋ pu na, ki li chik tikur aayikpupuk ki ye waapɔɔn mu gaa binib lii na, ki li kpa iniman ki daa binib aatafal baah ŋa biken falaa pu na.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.