Ilahn 92:14 - Uwumbɔr aagbaŋ

¹⁴ le ki beenin lu ŋisubil buyoonn i por na, ki kpa tifasɔnn ki pɔɔ n‑yoonn mɔmɔk.

Ilahn 92:14 ပူးပေါင်းရင်းမြစ်များ

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Aisaya 46:4

Min le ye nimi Aawumbɔr u joo nimi na ki ti saa buyoonn ni ga por aan niyil piir na. Min le naan nimi le ki ga li joo nimi, min le ga ter nimi ki gaa nimi lii.”

Jeremia 17:8

U naahn busub bu si gbɔk nkpen aan bu aanyaan cha nnyun chee na la. Nweel yaa choo kan, bu aa san ijawaan, ba pu? bu aafar aa kuur; utaal yaa kaa nun kan, butafal aa bi nibaa ni, le ki beenin lu ŋisubil.

Esekiel 47:12

Isui mɔmɔk aabɔŋ ga muun ŋimɔɔgban ŋilee ngbaan mɔmɔk pu ki tii tijikaar. Yaafar aan yɔl daalbaadaal, le yaasubil mu aan fir daalbaadaal. I ga li kpa uŋmal mɔk aasubipɔɔn, ba pu? nkpen mu puu nyan ni Uwumbɔr Aadichal ni na le tii i nnyun. Isui ngbaan ga li tii tijikaar, le bi ga li joo yaafar mu ki sɔŋ binib aaween.”

Matiu 3:10

hali dandana wee Uwumbɔr toor kichɔk ke u ti gaa isui. Isui imɔk kaa lu ŋisubil ŋi ŋan na, u ga gaa i, ki di ŋa mmii ni.

Filipi 1:11

M ban ke ni li kpa mbimbinyaan ki li tun lituln li ŋan na n‑yoonn mɔmɔk, Yesu Kristo aapɔɔn pu, aan binib nyuŋ Uwumbɔr ki pak u.

Juud 1:12

Ni yaa kpaan ni ji tijikaar Uwumbɔr aadiik ni kan, bi sak nikaasisik ni ke tijɔŋ aah likr libɔkul pu pu na; ba pu? bi kpaan ji ni chee, kaa san Uwumbɔr. Bi ban ke bi kpiin bibaa baanja la. Baa kpa tinyoor. Bi naahn utaal u yun ki bɔln ki joo ni libuln kaa nu na la; ki naahn isui i kaa lu ŋisubil ki kpo ki kpukr lir na la.