Ilahn 92:13 - Uwumbɔr aagbaŋ

¹³ Bi naahn isui i bi ŋum i Uwumbɔr Aadichal chee na la, bi muuni timi Aawumbɔr Aadichal aachiln ni la,

Ilahn 92:13 ပူးပေါင်းရင်းမြစ်များ

2 Bibɔrb Aabɔr 4:9

Bi nan ŋa bitotoorb aachinbik ni lichinjal mu. Bi nan di tikumann le boon jaaleŋ tiib bi yakr lichinjal ni kichinbik ngbaan na.

Esta 9:4

Nnaan ngbaan ni aanib mɔmɔk nan nyi ke Modekai gur ye mpɔɔn aanii le ki bi libɔrchiln ni, le waapɔɔn moo kpae.

Ilahn 100:4

Di idoon jer waadichal aabisamɔi ni, di kipak koo waachiln ni. Doon u ki pak u man.

Ilahn 135:2

Nimi bi si Tidindaan Uwumbɔr Aadichal ni na, pak u man.

Solomonn Aalahn 4:11

Mbɔɔn, aamɔgban mirk ke tisiir na la; le aalambil bi ke nnaabiin ni tisiir na m chee. Saawanpeenkaan kpa Lebanonn aatulalee mɔmɔk aanunun.

Solomonn Aalahn 5:15

Utaapan bi ke ŋitakpanyaan piin aajaatɔlk aah tɔk salmaa pu pu na la. U si chab ke Lebanonn aajoo ŋi kpa santina aasui fɔfɔk na.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Hosea 14:5

M ga li bi Israel aanib chee ke utaal aah bi pu kitiŋ ki kuun na chee pu na la. Bi ga pɔnn ke nsupuun na la; bi ga chɔbaan ke Lebanonn aatiŋ aasui na la.

Rom Yaab 11:17

Uwumbɔr nan gaa gii busunyaan aabon ibaa, le ki di timoor ni aasub aabon ki di toŋ bu pu. Juu yaab bi ke busunyaan na la. Nimi bi kaa ye Juu yaab na bi ke timoor ni aasub aabon na. Le Uwumbɔr chuu nyan ni binib bibaa Juu yaab ponn ni, ki di nimi koon Juu yaab ponn ni, ke ni yakr baanyoor, ni baawanyaan.

Rom Yaab 6:5

Ti ni u aah kpaan pu na, ti kpo ke waah kpo pu na. Ti mu ga fikr nkun ni, ke waah fikr pu na.

Efesusi 3:17

ki ki mee u ke Kristo li bi nisui ni, naah gaa u ki kii pu na, ki ki mee u ke ngeehm li bi ni chee mbamɔm,

2 Piita 3:18

Ni moo gaa Tidindaan Yesu Kristo u gaal timi lir na aaterm, ki li moo bae waaliin. Uma le yeh mpakm dandana wee ki ti saa n‑yoonn mu kaa kpa ndoon na. Amii.