Ilahn 91:5 - Uwumbɔr aagbaŋ

⁵ Saan san kinyeek aajawaan ibaa, kaan san nwiin pu aabɔlirkaan tibaa,

Ilahn 91:5 ပူးပေါင်းရင်းမြစ်များ

2 Bibɔrb 7:6

Uwumbɔr nan cha Siria yaab ngbaan ŋun kifuuk ki naahn butɔb aajapaak, ni itaan, ni yaatɔroku tiib na pu, le Siria yaab ngbaan nan dak ke Israel yaab ti pan Hef yaab aabɔr, ni Ijipt yaab aabɔr ni baajab ke bi nan tak bi la.

Job Aagbaŋ 6:4

Uwumbɔr Mpɔɔnsakpiindaan di ipiin too chaar mi, le yaaluul yaa koo nwon ni. Uwumbɔr lol waajawaan aawan kiir mi.

Ilahn 112:7

Bi yaa tuk u nsuubiin aabɔr kan, naa chur u ijawaan; u kpa gaakii u pɔɔ na, le ki kpa Uwumbɔr pu limakl.

Ilahn 46:2

Kina pu na, taan san ijawaan, hali kitiŋ yaa dam aan ŋijoo ber lir nnyusakpem aataab kan, taan san ijawaan;

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Solomonn Aalahn 3:8

Bi mɔmɔk nyi kijaak aajum aabɔr mbamɔm; bi ye bijab bi chaa butɔb ni ki nyaŋni na la. Bi mɔmɔk joo kijaak aajum la, ki kii ke nibaakan bibaa nan loon bi kinyeek.

Aisaya 21:4

N‑yil gaar la, le ijawaan cha nwon gbaa. M nan ka dak ke kijook fuu ni mala, le ni tee joo ni mi ijawaan ŋmeen.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Matiu 8:26

Le u bui bi, “Ba ŋa ni san ijawaan? Naa gaa mi ki kii mbamɔm.” Le u fii ki kae kibuŋ ni nnyun. Le kibuŋ ni nnyun mɔk ŋmin chii.

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Tibɔnyaan ti Luk ŋmee ti na 12:39

Ni nyi ke udichadaan yaa ba nyi buyoonn unaayuk ga fuu ni na kan, waa ba ga doon ki geen, u ba ga li ka lik, unaayuk ngbaan taa koo ni waadichal ni.

Hiibru Yaab 13:6

Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”