Ilahn 91:2 - Uwumbɔr aagbaŋ

² ga bui u ke, “Sin le kii mi ki joo mi. Sin le ye Maawumbɔr, sin pu le m mak.”

Ilahn 91:2 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Ilahn 14:6

Titunwanbirdam bii unii u sunn ubaa taab na aatuln la, le Uwumbɔr mu tee ye waakikiir.

Ilahn 142:5

Uwumbɔr, m wii yin si ki ban nterm la; Uwumbɔr, sin le ye u kii mi na. Sin le ye tiwan ni mɔmɔk m ban maamɔfal ponn ni na.

Ilahn 142:6

Pel maaterm aawiil yee, itaakpayɔl le ban i ku mi. Gaa mi maadim chee lii; bi pɔɔ nyaŋ mi.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 18:3

M yin Uwumbɔr, le u gaa mi maadim chee lii. Pak Uwumbɔr man.

Ilahn 25:2

Maawumbɔr, sin le m gaa ki kii. Taa cha m ji inimɔɔn; taa cha maadim nyaŋ mi.

Ilahn 31:15

N‑yoonn mɔmɔk m bi aaŋaal ni la; nyan mi maadim aaŋaal ni, nyan mi binib bi ban bi ku mi na aaŋaal ni.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:2

Kina pu na, taan san ijawaan, hali kitiŋ yaa dam aan ŋijoo ber lir nnyusakpem aataab kan, taan san ijawaan;

Ilahn 48:14

“Uwumbɔr umina ye timi Aawumbɔr le ki ti saa n‑yoonn mu kaa kpa ndoon na.” Uma le ga mɔk timi nsan ki ti saa n‑yoonn mu kaa kpa ndoon na.

Ilahn 61:5

Uwumbɔr, aa ŋun maah puu tipuur ti na, le ki tii mi binib bi nyuŋni si na aawan.

Ilahn 71:3

Li ye maakikiir u m mak u pu na, ki li bi ke kitiŋ ki bi maa ŋigon gob ki na, ki li kii mi; sin chee le m ga ŋmaa bɔr aan aa li kii mi.

Ilahn 91:9

Aa di Uwumbɔr le ŋa u kiir si na, uma Uwumbɔr u kaa kpa ŋeen aatɔ na le ye saakikiir,

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Tibɔnyaan ti Luk ŋmee ti na 20:38

Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal. Bi mɔmɔk ye binifuub Uwumbɔr chee la.”

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.