Ilahn 91:14 - Uwumbɔr aagbaŋ

¹⁴ Uwumbɔr bui ke, “M ga gaa binib bi gee mi na lii, ki li kii binib bi nyi mi ke m ye Uwumbɔr na.

Ilahn 91:14 ပူးပေါင်းရင်းမြစ်များ

1 Bibɔrb Aabɔr 29:3

M ki tii ni jer nimina mɔmɔk na, nima le ye tikunabr ni salmaa. Maah gee Uwumbɔr Aadichal sakpen pu na, le m nyan nima mbaa aawan ponn ni tii.

Esra 8:31

Ti nan nyan Ahafa Aanyunsan ngbaan chee njan aaŋmal aawiin kipiik ni ilee daal, le ki cha Jerusalem. Timi Aawumbɔr nan bi ti chee, le ki kii timi bidim, ni binib bi ga keln timi nsan ni na chee.

Ilahn 59:1

Maawumbɔr, gaa mi maadim chee lii; li kii mi aan binib bi tak mi na taa pii mi.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Ilahn 91:9

Aa di Uwumbɔr le ŋa u kiir si na, uma Uwumbɔr u kaa kpa ŋeen aatɔ na le ye saakikiir,

Aisaya 33:16

Nima kan ni ga ŋmar; ni ga fuur ke naah bi lijool li pɔɔ ki fɔk na paab le na. Ni ga li kpa tijikaar ni ji, ki kpa nnyun mu ni nyu.

Jeremia 39:17

le min Uwumbɔr ga li kii si, bi taa di si tii bijab bi aa san bi ijawaan na.

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

Jɔnn 16:27

uma ubaa le gee nimi; ba pu? ni gee mi, ki pak ke m nyan ni u chee.

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

Galantiya 4:9

Dandana wee, ni nyi Uwumbɔr, le u mu nyi nimi. Ba ŋa ni ban ni labr ki ki dii dulnyaa aawanbir mu kaa kpa mpɔɔn, kaa ŋmaa ter nimi na? Ba ŋa ni ban ke tiwanbir ngbaan ki li joo nimi tinaagbiir?

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.