Ilahn 91:11 - Uwumbɔr aagbaŋ

¹¹ Uwumbɔr ga cha waatuuntiib li joo si ki li kii si nimɔk aa cha na.

Ilahn 91:11 ပူးပေါင်းရင်းမြစ်များ

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ilahn 71:3

Li ye maakikiir u m mak u pu na, ki li bi ke kitiŋ ki bi maa ŋigon gob ki na, ki li kii mi; sin chee le m ga ŋmaa bɔr aan aa li kii mi.

Nnyam 23:20

“M ga cha maatuun loln ni pu nsan ki li kii nimi, naah ga li chuun cha nin chee m gor kiir nimi na.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Jeremia 2:18

Ni dak ke ni yaa gir buen Ijipt aatiŋ ni ki ti nyun Nail aamɔɔl ponn ni aanyun kan, ni ga kan ba aanyoor? Ni dak ke ni yaa buen Asiria ki ti nyun Yufrates aamɔɔl aanyun kan, ni ga kan ba aanyoor?

Matiu 4:6

le ki bui u, “Aa yaa ye Uwumbɔr Aajapɔɔn kan, lir ni kitiŋ. Ni ŋmee Uwumbɔr Aagbaŋ ni ke, ‘U ga tuk waatuuntiib ke bi li lik si, le bi ga li joo si biŋaal ni, aataal taa gbeer litakpal.’”

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.