Ilahn 90:8 - Uwumbɔr aagbaŋ

⁸ Aa joo timi aatunwanbir bilni aanimbiin ni, hali timi aatunwanbir ti bɔr na, aa joo bilni nin chee aa ga li waa ti na la.

Ilahn 90:8 ပူးပေါင်းရင်းမြစ်များ

Job Aagbaŋ 10:14

Aa nan pekr mi ki lik ke m ga tun titunwanbir aan maan tun, le ki yii kaa di cha pinn mi.

Job Aagbaŋ 34:21

U lik binib aah yoor litaal limɔk na.

Ilahn 10:11

Ubiindaan bui ubaa le ke, “Uwumbɔr aatafal aa bi maah ŋani pu na ni, u ŋumni unimbil la, kaan kan mi daalbaadaal.”

Ilahn 109:15

Cha Uwumbɔr li teer baatunwanbir bɔr n‑yoonn mɔmɔk, ki tee cha ubaa taa ki teer bima bɔr kpala.

Ilahn 19:12

Ubaa aan ŋmaa kan waah yenn waatuln ponn ni nin chee na; Uwumbɔr, nyan mi titunwanbir ti bɔr na ni,

Ilahn 50:21

Ni ŋani nimina mɔmɔk, le maa len tibaa, kina pu le ni dakl ke m mu bi kina la. Tɔ, dandana ma kan, m ban m galn nimi la, ki nyan tibɔr ngbaan lipaal tii nimi.

Ilahn 80:16

Timi aadim gaa bu lii a, le ki see bu mmii; di saaŋuul lik bi ki kuln bi.

Ŋiyataŋak 5:21

Uwumbɔr kani saah ŋani tiwan ni na mɔmɔk. U waa si saasachun mɔmɔk ni.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Jeremia 16:17

M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 2:22

Hali ni yaa di bukiib bu ŋun njeen mbamɔm na fu nnyun kan, m ga li beenin waa nimi aajɔŋ aataani.

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Liifai Yaab 4:23

le bi tuk u aan u bee ke u tun titunwanbir kan, u li joo ni uŋoja u ŋan na ki nan toor waatork.

Liifai Yaab 4:28

le bi tuk u aan u bee ke u tun titunwanbir kan, u li joo ni uŋosal u ŋan na ki nan toor waatork.

Rom Yaab 2:16

Ni ga li bi kina le bundaln Uwumbɔr ga cha Yesu Kristo ji binib tibɔr, ki baa bi tibɔbɔrkaan ti bi bisui ni na aabɔr. Maah tuk binib tibɔnyaan ti na le mɔk kina.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

1 Jɔnn 3:20

Ti yaa dak tisui ni ke timi aabɔr bii kan, cha ti li teer ke Uwumbɔr jer tisui, ki nyi tiwan mɔmɔk.

Tibɔkpiirkaan 20:12

Le m kan bitekpiib, bi ye bipɔɔndam ni bi ye biwaatiib na, si libɔrjal ngbaan aanimbiin ni. Le u kpar tigbann, ki ki kpar kigbaŋ kiken, ki ye limɔfal aagbaŋ na, ki jin bitekpiib tibɔr, baabɔr aah ŋmee tigbann ngbaan ponn ni pu na, baah nan tun pu na.