Ilahn 9:2 - Uwumbɔr aagbaŋ

² Sin pu le m ga di mpopiin gaa ilahn. Uwumbɔr Mpɔɔnsakpiindaan, m ga gaa ilahn ki pak si.

Ilahn 9:2 ပူးပေါင်းရင်းမြစ်များ

Ilahn 138:1

Uwumbɔr, m joo nsui mɔmɔk dooni si la; m gaa kipak aalahn tii si, bijojoob chee la.

Ilahn 26:7

M gaa idoon aalahn le ki tuk binib saajinjiir aatun mɔmɔk aabɔr.

Ilahn 27:6

aan m kan linyaŋ maadim bi mann goln mi na pu. M ga di mpopiin aafuuk toor kitork Waadichal ni; M ga gaa ilahn, m ga pak Uwumbɔr.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 5:11

Le binib bi kan ŋŋmarm aa chee na ma ga li mɔɔni; bi ga ŋmaa gaa ilahn mpopiin pu n‑yoonn mɔmɔk. Li kii binib bi mɔmɔk gee si na; ba pu? sin pu le bi kpa mpopiin bamɔnn.

Ilahn 7:17

M doon Uwumbɔr waabamɔn pu, m gaa ilahn ki pak Uwumbɔr Mpɔɔnsakpiindaan.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Ilahn 86:12

Ndindaan Uwumbɔr, m ga di nsui mɔmɔk pak si, m ga li mooni saah tun ŋitukpaan ŋi na pu n‑yoonn mɔmɔk.

Ilahn 92:1

Uwumbɔr, ni ŋan sakpen ke ti doon si, Uwumbɔr u kaa kpa ŋeen aatɔ na, ni ŋan ke ti gaa ilahn ki nyuŋ si,

Ilahn 92:4

Uwumbɔr, saatukpaan na tii mi mpopiin; saah tun pu na, le m ga gaa mpopiin aalahn.

Ilahn 96:3

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Ilahn 97:12

Nimi bi aabimbin ŋan na, li mɔɔni man, Uwumbɔr aah tun pu na pu. Teer Uwumbɔr u bi chain na aah ŋa pu na, ki tii u idoon.

Ilahn 97:9

Uwumbɔr u kaa kpa ŋeen aatɔ na, sin le ye kitiŋ kee mɔmɔk aajojoor; saapɔɔn nyaŋ dindatiib mɔmɔk aapɔɔn.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.