Ilahn 9:19 - Uwumbɔr aagbaŋ

¹⁹ Uwumbɔr, fiin. Taa cha binib bii si. Kuun ni binib bi kaa nyi si na aanimbiin ni, ki nan bui bi baabɔr aah bii pu na.

Ilahn 9:19 ပူးပေါင်းရင်းမြစ်များ

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

Ilahn 10:12

Uwumbɔr, daa bibiindam ngbaan aatafal, teer binib bi ji falaa na bɔr.

Ilahn 149:7

ki nyaŋ ŋitimbol ŋi kaa dii Uwumbɔr aasan na, ki daa bitafal;

Ilahn 3:7

Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

Ilahn 44:23

Uwumbɔr, finn ngeen pu. Ba ŋa aa dɔ geen? Fii sil paacham. Taa yii timi kookoo.

Ilahn 44:26

Dan nan ter timi. Gaa timi lii, saageehm mu bi n‑yoonn mɔmɔk na pu.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 79:6

Cha li fenn lir binib bi kaa dooni si na pu, Cha li fenn lir binib bi kaa mee limeel tii si na pu,

Ilahn 80:2

di aabaa mɔk Efraim, ni Benjaminn, ni Manase aanibol. Mɔk timi saapɔɔn, ki nan gaa timi lii.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Joel 3:12

“Ŋitimbol mɔmɔk, gor nibaa, ki dan Libɔjil Aafataŋ ni, nin chee Uwumbɔr ga ji binib tibɔr na. Le min Uwumbɔr ga kal ki ji ŋitimbol ŋimɔk mann goln na tibɔr.

Maika 5:15

Le maaŋuul ponn ni m ga teen ŋitimbol ŋi mɔmɔk yii maamɔb na.”

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Sekaria 14:18

Ijipt yaab yaa yii kaa ji Tikakar Aajim kan, iweenbaan i Uwumbɔr tii litimbol limɔk yii kaa chaa na le ga lir bi pu.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.