Ilahn 9:14 - Uwumbɔr aagbaŋ

¹⁴ aan m ŋmaa sil Jerusalem aanib aanimbiin ni, ki bui bi tiwan nimɔk pu m pak si na. Saah gaa mi lii pu na le m mɔɔni.

Ilahn 9:14 ပူးပေါင်းရင်းမြစ်များ

Ilahn 106:2

Ŋma ga ŋmaa bee waah tun ŋitukpaan ŋi na? Kipak kibaa aa bi ki ga ŋeer u.

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 20:5

Le ti ga di mpopiin teen mpɔɔn pu, saanyaŋ pu, ki di ngbiir pak timi Aawumbɔr saanyaŋ pu. Uwumbɔr ŋa saah mee pu na mɔmɔk tii si.

Ilahn 21:1

Uwumbɔr, ubɔr aasui piir, ba pu? aa tii u mpɔɔn; saah tii u linyaŋ pu na le u kpa mpopiin.

Ilahn 22:22

M ga bui maanib saah tun pu na; m ga pak si baah kuun nin chee na:

Ilahn 22:25

Kinipaak aah kuun nin chee na, le m ga pak si saah tun pu na pu. Binib bi dooni si na aanimbiin ni, le m ga toor kitork ki m nan puu na.

Ilahn 35:18

Le m ga doon si saanib mɔmɔk aah kuun nin chee na, m ga pak si bi mɔmɔk aanimbil ni.

Ilahn 35:9

Le Uwumbɔr pu, nsui ga piir; waah gaa mi lii pu na, le m ga li kpa mpopiin.

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 51:12

Gaa mi lii, aan m ki kan mpopiin, ki cha m li ye unii u keei saamɔb na,

Ilahn 51:15

Uwumbɔr, ter mi aan m ŋmaa len ki pak si.

Ilahn 6:3

m bi limukl ponn ni la. Uwumbɔr, aa ga yunn kinye aan ki nan nin ter mi?

Ilahn 75:9

Le mma ga li beenin len Uwumbɔr u Jakob mu nan dii u na aabɔr, ki ga li gaa ilahn ki pak u.

Ilahn 79:13

Le timi saanib bi ye saadiik ni yaab na, ga doon si ki ti saa n‑yoonn mu kaa kpa ndoon na, ki li pak si n‑yoonn mɔmɔk ki cha.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Nnyam 3:9

Mbamɔn, m ŋun maanib aah wii pu na, m kan Ijipt yaab aah ŋani bi falaa pu na.

Aisaya 12:3

Uwumbɔr yaa gaa waanib lii kan, bi kpa mpopiin ke nnyunsoom aah tii unii u nnyunyuu joo u na mpopiin pu na la.”

Aisaya 37:22

uma Uwumbɔr bui ke, “Jerusalem aatiŋ laa si, ubɔr Senakerib, ki lik seen si.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Tibɔnyaan ti Luk ŋmee ti na 1:47

M kpa mpopiin sakpen, Uwumbɔr u gaa mi lii na pu.

1 Samuel 2:1

Le Hana mee Uwumbɔr ke: “Uwumbɔr di mpopiin gbiin nsui ni, waah ŋa pu tii mi na, nsui piir sakpen. M laa maadim; Uwumbɔr aah ter mi pu na tii mi mpopiin sakpen.