Ilahn 9:10 - Uwumbɔr aagbaŋ

¹⁰ Uwumbɔr, binib bi nyi si na ga tii si naadii; Saa siir cha umɔk dan aa chee na.

Ilahn 9:10 ပူးပေါင်းရင်းမြစ်များ

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Ilahn 37:28

ba pu? Uwumbɔr gee tiwan ni ŋan na la, kaa siir cha waanib bi dii u mbamɔm na. U kii bi n‑yoonn mɔmɔk, le ki ga jenn nyan bibiindam ma.

Ilahn 37:39

Uwumbɔr le gaal binib bi ŋan na lir, le ki kii bi tibɔbir aayoonn.

Ilahn 5:11

Le binib bi kan ŋŋmarm aa chee na ma ga li mɔɔni; bi ga ŋmaa gaa ilahn mpopiin pu n‑yoonn mɔmɔk. Li kii binib bi mɔmɔk gee si na; ba pu? sin pu le bi kpa mpopiin bamɔnn.

Ilahn 57:1

San mi kinimbaak, Uwumbɔr, san mi kinimbaak; ba pu? m dan aa chee ki ban ŋŋmarm la. Saafeen ponn ni le m kani lifuur ki ti saa buyoonn ŋimuk sakpiin ga ti jer doo na.

Ilahn 91:14

Uwumbɔr bui ke, “M ga gaa binib bi gee mi na lii, ki li kii binib bi nyi mi ke m ye Uwumbɔr na.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 25:4

Bigiim, ni binib bi kaa kpa nterm na san dan aa chee; le aa gaa bi lii baamukl aayoonn. Aa gaa bi lii kibuŋ yoonn, ki tii bi mboon buyoonn nwiin ton sakpen na. Bibiindam tak ke kakab yoonn aabuln na;

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Jeremia 29:13

Ni ga ban mi, le ki ga kan mi, ba pu? ni ga di nisui mɔmɔk le ban mi.

Nahum 1:7

Uwumbɔr ŋan; waanib yaa bi tibɔr ni kan, u kii bi; le ki lik binib bi fenn buen u chee ki ban nterm na pu.

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

1 Jɔnn 2:3

Ti yaa kii Uwumbɔr aamɔb kan, nima le cha ti bee ke ti nyi u.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.