Ilahn 9:1 - Uwumbɔr aagbaŋ

¹ Uwumbɔr, m ga di nsui mɔmɔk pak si, m ga len saah ŋa lijinjiir aawan ni mɔmɔk na aabɔr.

Ilahn 9:1 ပူးပေါင်းရင်းမြစ်များ

1 Bibɔrb Aabɔr 16:12

Nimi waatutum Jakob aayaabitiib, nimi Israel aayaabitiib, bi Uwumbɔr lee bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

1 Bibɔrb Aabɔr 16:24

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Ilahn 106:2

Ŋma ga ŋmaa bee waah tun ŋitukpaan ŋi na? Kipak kibaa aa bi ki ga ŋeer u.

Ilahn 111:1

Pak Uwumbɔr man. M ga di nsui mɔmɔk pak Uwumbɔr, waanib aah kuun nin chee na.

Ilahn 138:1

Uwumbɔr, m joo nsui mɔmɔk dooni si la; m gaa kipak aalahn tii si, bijojoob chee la.

Ilahn 26:7

M gaa idoon aalahn le ki tuk binib saajinjiir aatun mɔmɔk aabɔr.

Ilahn 51:15

Uwumbɔr, ter mi aan m ŋmaa len ki pak si.

Ilahn 7:17

M doon Uwumbɔr waabamɔn pu, m gaa ilahn ki pak Uwumbɔr Mpɔɔnsakpiindaan.

Ilahn 86:12

Ndindaan Uwumbɔr, m ga di nsui mɔmɔk pak si, m ga li mooni saah tun ŋitukpaan ŋi na pu n‑yoonn mɔmɔk.

Ilahn 9:14

aan m ŋmaa sil Jerusalem aanib aanimbiin ni, ki bui bi tiwan nimɔk pu m pak si na. Saah gaa mi lii pu na le m mɔɔni.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 60:6

Laakumii tiib pam ga ki nyan ni Midiann, ni Efa aatim ni ki fuu ni. Bi nyan ni Seba, ki joo ni salmaa ni tulalee. Binib ga len tibɔnyaan ngbaan, bi ga len Uwumbɔr aah ŋa pu na.

Tibɔnyaan ti Luk ŋmee ti na 10:27

Le u bui u, “Ni ŋmee ke, ‘Aa li gee Aadindaan Uwumbɔr aasui mɔmɔk ni, ni saawiin mɔmɔk, ni saapɔɔn mɔmɔk, ni saalandak mɔmɔk, ki li gee aana aabo ke saah gee aabaa pu na.’”

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.