Ilahn 89:8 - Uwumbɔr aagbaŋ

⁸ Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Ilahn 89:8 ပူးပေါင်းရင်းမြစ်များ

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Job Aagbaŋ 37:22

Nwiihn mu naahn salmaa na bi ŋŋangan wɔb, le Uwumbɔr aapak chuu timi ijawaan.

Job Aagbaŋ 9:19

M di linimaln mɔk Uwumbɔr aa? M di u buen bibɔjirb chee ee? Ubaa ga ŋmaa cha u buen aa?

Ilahn 147:5

Tidindaan ye Mpɔɔnsakpiindaan la; ubaa aa nyi waalan aah ti saa pu na.

Ilahn 24:8

Ŋma ye ubɔrkpaan ngbaan? Uma le ye Uwumbɔr Mpɔɔnsakpiindaan u pɔɔ na, Uwumbɔr u nyaŋni butɔb ni na.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ilahn 71:19

Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Ilahn 84:12

Uwumbɔr, Mpɔɔnsakpiindaan, binib bi tii si naadii na kpa mpopiin.

Ilahn 89:13

Saapɔɔn nyaŋ a. Aa kpa mpɔɔn sakpen a.

Ilahn 89:6

Uwumbɔr, ubaa aa bi paacham ki bi ke sin na; paacham yaab ubaa aaŋeen aatɔ aa ye si.

Aisaya 28:22

Taa laa man nsurm mu m joo tii nimi na. Ni yaa laa kan, naah ga ŋa pu aan ki ŋmar na ga moo pɔɔk. Uwumbɔr Mpɔɔnsakpiindaan tuk mi ke u ga kuln litingbaln ngbaan mɔmɔk.

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.

Josua 22:22

“Uwumbɔr le ye Mpɔɔndaan. Uma le ye Uwumbɔr. Uwumbɔr le ye Mpɔɔndaan. Uma le ye Uwumbɔr. Uma le nyi tiwan ni pu ti ŋa kina na, le ti ban ni mu bee ni. Ni yaa ye ke ti tun titunwanbir Uwumbɔr chee, kaa kii waamɔb kan, ku timi man, ki taa cha ti ki li bi man.

1 Samuel 15:19

Ni ki ŋa kinye aan saa kii waamɔb? Ba ŋa aa ber ti gaa baawan, ki ŋa tiwan ni kaa piir Uwumbɔr aasui na?”

1 Samuel 2:2

Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.