Ilahn 89:4 - Uwumbɔr aagbaŋ

⁴ ‘Aayaabil ga li ye ubɔr n‑yoonn mɔmɔk; m ga cha bi li ye binaanjirb ki ti saa n‑yoonn mu kaa kpa ndoon na.’”

Ilahn 89:4 ပူးပေါင်းရင်းမြစ်များ

2 Samuel 7:29

M mee si ke aa biin n‑yaabitiib pu aan bi ji saah lik ki faar bi pu na aamɔɔn. Ndindaan Uwumbɔr, sin le puu kina, le saanyoor ga li bi n‑yaabitiib pu, ki ti saa n‑yoonn mu kaa kpa ndoon na.”

1 Bibɔrb 9:5

m ga li joo tipuur ti m nan puu tii aate David, ki bui ke uyaabitiib le ga li joo Israel aanib n‑yoonn mɔmɔk na.

1 Bibɔrb Aabɔr 22:10

Uma le ga maa lidichal tii mi. U ga li ye maabo, le m mu ye ute. Waanaanjiliib ga li joo Israel yaab ki ti saa n‑yoonn mu kaa kpa ndoon na.’”

1 Bibɔrb Aabɔr 28:4

Timi Israel yaab Aadindaan Uwumbɔr lee min ni n‑yaabitiib le ke ti li ye Israel aajojoob, ki ti saa n‑yoonn mu kaa kpa ndoon na. U nan lee Juda aanibol ke bi li ye bisalolm, le ki nyan nte aadichal Juda aanibol ni. Lidichal ngbaan mɔmɔk ni, ni nan ye waageehn le ke u lee mi ki di mi ŋa Israel yaab mɔmɔk aabɔr.

Ilahn 132:11

Aa nan puu tipuur ti saan cha ti bee fam na tii David ke, “M ga ŋa aajapɔɔn ubaa ubɔr, uma le ga paan aa pu ki ji nnaan.

Ilahn 132:12

Aajapɔtiib yaa dii mi mbamɔm, ki kii ikaal i m di tii bi na kan, bijapɔtiib mu le ga nan gaa nnaan, ki li ye bibɔrb n‑yoonn mɔmɔk.”

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Ilahn 89:1

Uwumbɔr, n‑yoonn mɔmɔk m ga li gaa ilahn saageehm mu bi n‑yoonn mɔmɔk na pu; m ga li mooni ke aa ŋani saah len pu na ki ti saa n‑yoonn mu kaa kpa ndoon na.

Ilahn 89:29

Uyaabitiib aan doo ke kitaapaak aah kaa door pu na; uyaabil ga li ye ubɔr n‑yoonn mɔmɔk.

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Ilahn 89:50

Taa suln baah seei mi saatutunn pu na bɔr, taa suln binib bi kaa nyi si na aamɔpuur aah lir m pu pu na.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Rom Yaab 15:12

Uwumbɔr aabɔnabr Aisaya mu nan len ke, “Jese aayaabil ga fuu ni. Uwumbɔr ga tii u mpɔɔn u li ye binib bi kaa ye Juu yaab na aayidaan. Le bi ga gaa u ki kii.”

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”