Ilahn 89:1 - Uwumbɔr aagbaŋ

¹ Uwumbɔr, n‑yoonn mɔmɔk m ga li gaa ilahn saageehm mu bi n‑yoonn mɔmɔk na pu; m ga li mooni ke aa ŋani saah len pu na ki ti saa n‑yoonn mu kaa kpa ndoon na.

Ilahn 89:1 ပူးပေါင်းရင်းမြစ်များ

1 Bibɔrb 4:31

Uma le nan kpa nlan jer unibɔn mɔmɔk. U nan kpa nlan jer Esra aanibol ni aaja Etann, ni Mahol aajapɔtiib Hemann, ni Kalkol, ni Darda, le waayimbil nan yaa koo ŋitimbol ŋi mann goln waatiŋ na.

1 Bibɔrb 5:11

le Solomonn mu tii Hiram njikaabim bɔtɔ ŋichur imonko ilee, ni olif aakpan mu ikinja ikui iŋmu, libiln mɔmɔk ni, ke u li joo kpiini waanib.

1 Bibɔrb Aabɔr 2:6

Unaal Sera ma nan ma mbijabim muŋmu la. Baayimbil le nan ye Simri, ni Etann, ni Hemann, ni Kalkol, ni Darda.

Ilahn 101:1

Uwumbɔr, maalahn ye ibamɔn ni ngeehm aalahn la, le m gaa mu tii si.

Ilahn 106:1

Pak Uwumbɔr man. Doon Uwumbɔr man, ba pu? u kpa tiŋann; waageehm aa kpa ndoon.

Ilahn 119:90

Saabamɔn ga li bi ki ti saa n‑yoonn mu kaa kpa ndoon na; aa baa kitiŋ siin libubaan ni, le kaan ki ŋmaa foor.

Ilahn 36:5

Uwumbɔr, saageehm mu bi n‑yoonn mɔmɔk na fuu paacham, le saaŋann taln ti fuu kitaapaak.

Ilahn 59:16

Le mma ga gaa ilahn ki mɔk saah pɔɔ pu na; saageehm mu bi n‑yoonn mɔmɔk na pu, m ga gaa ilahn mpɔɔn pu kichakpiik mɔmɔk ni. Aa chee le m bɔrni, linimaln aayoonn kan, aa chee le m bɔrni.

Ilahn 71:8

M pak si ni nwiin aah ga ti lir pu na, ki mooni saapak aah bi pu na.

Ilahn 88:11

Baa len saageehm mu bi n‑yoonn mɔmɔk na pu likaakul ni. Baa len saah tun saapuur aatun ŋi na aabɔr kitekpiitiŋ ni.

Ilahn 89:24

M ga li gee u, ki li si upuwɔb; m ga cha u li kani linyaŋ.

Ilahn 89:33

Tɔ, m ga li beenin gee David ma, ki ga li beenin joo maah puur tipuur ti na tii u.

Ilahn 89:49

Ndindaan, saajan aageehm na bi la chee? Saah nan puu tipuur ti tii Ubɔr David na bi la chee?

Ilahn 89:8

Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Ilahn 92:2

ni ŋan ke ti li mooni saageehm mu bi n‑yoonn mɔmɔk na, kichakpiik mɔk ni, ki moon ke aa ŋani saah puu tipuur ti na, kinyeek,

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Inandalahn 3:23

Waageehm ni linimbaasaln aa door ke kichakpiik ni, bee nwiin aah puur pu na, aah kaa door pu na la.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.