2 Ŋun maameel; li pel maah wii ki ban nterm pu na.
“Uwumbɔr, unii yaa tun uken taani, aan bi joo ni u kitork aabimbiln taab, Saadichal ni do, ke u nan puu tipuur ke waa nyi kan,
M fii lichakpitaawoln le ki yin si ki ban nterm; maamakl bi saah puu tipuur ti na ni la.
Le aa ka libɔrjal pu ki bi chain, sin le ye Uwumbɔr u Israel yaab pak u na.
Pel m chee. Gaa mi lii dandana. Li ye u ga li kii mi na; li ye u ga gaa mi lii na.
Li pel binib bi bi tiyondir ponn ni na aah ker idun pu na, ki di saapɔɔn mu nyaŋ na nyan binib bi bi siin ke bi ku bi na lii.
Aa ye Maawumbɔr la, san mi kinimbaak; m mee si le nwiin ti lir.
M wii mpɔɔn pu ki ban nterm, le Uwumbɔr yii, kaan pel m chee.
