Ilahn 88:16 - Uwumbɔr aagbaŋ

¹⁶ Saaŋuusakpeln le nyiir mi bilni; maah san si ijawaan pu na le bii mi doo.

Ilahn 88:16 ပူးပေါင်းရင်းမြစ်များ

Job Aagbaŋ 30:15

Ijawaan le nyaŋ mi; maayimbil buen ke litakpiln libaa aabuln na la, le maawangol jer buen ke ntaalangbam na.

Ilahn 119:120

M san sin le ijawaan; saakaal pu le ijawaan joo mi.

Ilahn 89:46

Uwumbɔr, aa ga di aabaa bɔr kookoo la aa? Saaŋuul ga li wu ke mmii na ki ti saa bayoonn?

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Ilahn 90:7

Saaŋuul le kuln timi; saaŋuusakpeln cha ijawaan chur timi la.

Aisaya 53:8

Bi nan chuu u ki jin u tibɔr, ki di u buen bi ti ku u, le unii ubaa aan ŋmaa len uyaabitiib pu. Timi aanib aatunwanbir pu le bi nan ku u.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”