Ilahn 87:4 - Uwumbɔr aagbaŋ

⁴ “M yaa ban m ŋmee ŋitimbol ŋi kii maamɔb na aayimbil bil kan, m ga di Ijipt ni Babiloŋ aayimbil mu kpee; m ga kahn Filistia yaab, ni Taya yaab, ni Kus yaab kpee Jerusalem aanib pu.”

Ilahn 87:4 ပူးပေါင်းရင်းမြစ်များ

Job Aagbaŋ 9:13

Uwumbɔr chur waaŋuul, u kuln waadim bi nan ter nnyusakpem ni aapeewanbiik Rahab ke ki kpak u na.

Ilahn 137:1

Babiloŋ aamɔɔ chee le ti nan kal; nima chee le ti nan teer Sionn aabɔr le ki wii.

Ilahn 45:12

Taya aatiŋ aanib ga joo ni si ipiin, biwankpadam ga dan nan ban ke bi piir aasui.

Ilahn 68:31

Bininkpiib ga nya ni Ijipt ki dan; Kus yaab ga yoor biŋaal paacham ki mee Uwumbɔr.

Ilahn 89:10

Aa wɔb kipeewanbiik Rahab, ki ku ki; aa di saapɔɔn sakpiin le nyaŋ saadim.

Aisaya 19:11

Soann aatiŋ aaninkpiib ye bijɔrb la. Ijipt aalandam aasurm ye kijɔrk la. Ŋma ŋmann bi ke bi bui ubɔrkpaan ngbaan ke bima le nab n‑yaayoonn na aagbanyib ni bibɔrb na pu?

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Lituln 8:27

Le Filip fii ki cha. Uja ubaa nan ka itaan aah dar tɔroku sakpiin u na ponn ni, nsan ni. U nan ye Itiopia aatiŋ aanii la, ki mu ye unii u bi lee nyan ŋikookpimbil na, ki mu ye uninyuun la. Uma le nan lik Itiopia aatiŋ aamombil mɔmɔk, ki kpa mpɔɔn sakpen, ki tun lituln tii Itiopia aabɔrpii, u bi yin u ke Kandake na. Uja ngbaan nan dan Jerusalem u nan doon Uwumbɔr, ki labr cha, ki laa beenin bi nsan ni. Filip aah kan u na, u nan bi waatɔroku sakpiin ponn ni, ki karni kigbaŋ ki Uwumbɔr aabɔnabr Aisaya nan ŋmee ki na.

Tibɔkpiirkaan 17:5

Liyimbil li aatataa bɔɔ na nan ŋmee paa uyigbeer pu. Liyimbil ngbaan le ye ke, “Kitisakpeŋ Babiloŋ ki ye bipiidagoob ni bininsum mɔmɔk aana na.”

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;

1 Samuel 17:8

Goliaf ngbaan nan sil le ki teen Israel yaab pu ke, “Ni bi ŋani ba nima? Ni lul si kii butɔb la aa? Nimi Sɔɔl aanaagbiib, m ye Filistia aanii la. Lee man nimi aajab ponn ni ubaa aan m ni uma jan.