Ilahn 86:5 - Uwumbɔr aagbaŋ

⁵ Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Ilahn 86:5 ပူးပေါင်းရင်းမြစ်များ

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ilahn 103:3

U cha pinn mi maatunwanbir, le ki sɔŋni maaween mɔmɔk.

Ilahn 103:8

Uwumbɔr ye unimbaasaln la, le ki gee timi, waaŋuul aa fiir woween, le u gee timi sakpen.

Ilahn 119:68

Aa kpa tiŋann sakpen a. Mɔk mi saakaal.

Ilahn 130:4

Le aa di cha pinn timi, ke ti li san si ijawaan.

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 145:18

U bi duun binib bi yin u ni bisui mɔmɔk na.

Ilahn 25:8

Uwumbɔr aah ŋan sakpen pu na, le u mɔk titunwanbirdam nsan mu bi ga dii na.

Ilahn 36:7

Uwumbɔr, saageehm mu bi n‑yoonn mɔmɔk na jer liwangol mɔmɔk la, ti kan mbɔbɔryaan aa chee ke ikoobi aah kani pu ina aafeen taab na.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Ilahn 69:14

Nyan mi maah bi chɔi tikpakpar ti ponn ni na; gaa mi maadim chee lii, nyan mi nnyun nyonyoon mue ni.

Ilahn 69:16

Uwumbɔr, saageehm mu bi n‑yoonn mɔmɔk na pu, ŋun maayim; di saah san kinimbaak sakpen pu na fenn lik mi.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Esekiel 36:33

Tidindaan Uwumbɔr ki len ke, “M yaa ŋa nimi chain nimi aatunwanbir pu kan, m ga cha ni ki koo nimi aatim ni, ki cha ni ki gir maa ntim mu ye tilangbenn na.

Esekiel 36:37

Tidindaan Uwumbɔr nan ki len ke, “M ga cha Israel yaab ki gir ban m chee nterm, m ga cha bi moo pɔr ke kipihpaak na.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Lituln 2:21

Liyaadaal ngbaan, unii umɔk mee Uwumbɔr na le ga ŋmar.’”

Efesusi 2:4

Tɔ, Uwumbɔr mu kpa linimbaasaln sakpen, ki gee timi sakpen.