Ilahn 86:2 - Uwumbɔr aagbaŋ

² Maah keei saamɔb pu na, nyan mi nkun ni; gaa mi lii, m ye saatutunn u tii si naadii na la.

Ilahn 86:2 ပူးပေါင်းရင်းမြစ်များ

Ilahn 119:94

Sin le yeh mi, gaa mi lii. M pɔɔni mbaa ke m li joo saakaal.

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 143:12

Saah gee mi pu na pu, ku maadim, ki kuln binib bi mɔmɔk muk mi na, ba pu? m ye saatutunn la.

Ilahn 16:1

Uwumbɔr, li kii mi, m kpa gaakii aa pu ke aa ga biin m pu.

Ilahn 18:19

U nan nyan mi linimaln ni; usui aah nan piin m pu pu na, le u nan gaa mi lii.

Ilahn 25:2

Maawumbɔr, sin le m gaa ki kii. Taa cha m ji inimɔɔn; taa cha maadim nyaŋ mi.

Ilahn 31:1

Uwumbɔr, m dan aa chee, ki ban ke aa li kii mi la; taa cha bi nyaŋ mi daalbaadaal. Aa ye Uwumbɔr u ŋani ni ŋan na, m mee si, gaa mi lii.

Ilahn 31:14

Uwumbɔr, le m tii si naadii; sin le ye Maawumbɔr.

Ilahn 37:28

ba pu? Uwumbɔr gee tiwan ni ŋan na la, kaa siir cha waanib bi dii u mbamɔm na. U kii bi n‑yoonn mɔmɔk, le ki ga jenn nyan bibiindam ma.

Ilahn 4:3

Teer man ke Uwumbɔr le lee bininyaam ke bi li ye waanib, le m yaa yin u ki ban nterm kan, u ŋun maayim ngbaan.

Ilahn 50:5

U bui ke, “Kuun ni maanib bi kpa gaakii ki di kitork puu tipuur tii mi na tii ni mi.”

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Jɔnn 17:11

Dandana, m choo aa chee la. Maan ki li bi dulnyaa ni; bima le ga li bi dulnyaa ni. Nte Uwumbɔr u ye chain na, aa tii mi saayimbil. Cha liyimbil ngbaan aapɔɔn li lik bi, bi li ye unibaan ke m ni si aah ye unibaan pu na.

Rom Yaab 9:18

Nima le binib bi u ban u san bi kinimbaak na, u san bi kinimbaak. Binib bi u ban ke u cha bi gaa biyil na, u cha bi gaa la.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.