Ilahn 86:15 - Uwumbɔr aagbaŋ

¹⁵ Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:15 ပူးပေါင်းရင်းမြစ်များ

1 Bibɔrb Aabɔr 21:13

Le David gar Gad ke, “M bi limukl aayoonn ni le na. Tɔ, maa gee ke unibɔn daa ntafal. Uwumbɔr le ye unimbaasaln daan, cha uma le daa ntafal.”

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ilahn 103:8

Uwumbɔr ye unimbaasaln la, le ki gee timi, waaŋuul aa fiir woween, le u gee timi sakpen.

Ilahn 111:4

Uwumbɔr cha ti teer waatukpaan na pu, u kpa tiŋann le ki san kinimbaak mu.

Ilahn 130:4

Le aa di cha pinn timi, ke ti li san si ijawaan.

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 145:8

Uwumbɔr kpa ngeehm le ki san kinimbaak, waaŋuul aa fiir mala mala, le waageehm wiir, kaa kpa ndoon.

Ilahn 85:10

Ngeehm ni ibamɔn ga chuu tɔb; le mbimbinyaan ni nsuudoon ga bob tɔb.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Ilahn 98:3

U joo waah puu tipuur ti tii waanib Israel yaab na. Waa nya bipuwɔb, le ki kpa ngeehm tii bi n‑yoonn mɔmɔk. Binib bimɔk bi ni kookoo na kan timi Aawumbɔr aanyaŋ.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,