Ilahn 86:12 - Uwumbɔr aagbaŋ

¹² Ndindaan Uwumbɔr, m ga di nsui mɔmɔk pak si, m ga li mooni saah tun ŋitukpaan ŋi na pu n‑yoonn mɔmɔk.

Ilahn 86:12 ပူးပေါင်းရင်းမြစ်များ

1 Bibɔrb Aabɔr 29:13

Tɔ, timi Aawumbɔr, ti doon si, le ki pak saayimbil li kpa kipak na.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

Ilahn 104:33

Maamɔfal mɔmɔk aayoonn ni, m ga li gaa ilahn tii Uwumbɔr; m ga li gaa ilahn ki pak Maawumbɔr n‑yoonn mumɔk m bi limɔfal ponn ni na.

Ilahn 34:1

M ga li dooni Uwumbɔr n‑yoonn mɔmɔk; m ga li pak u n‑yoonn mɔmɔk.

Ilahn 9:1

Uwumbɔr, m ga di nsui mɔmɔk pak si, m ga len saah ŋa lijinjiir aawan ni mɔmɔk na aabɔr.

Ilahn 9:2

Sin pu le m ga di mpopiin gaa ilahn. Uwumbɔr Mpɔɔnsakpiindaan, m ga gaa ilahn ki pak si.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Lituln 8:36

Baah bi tɔroku na ponn ni ki cha na, le bi ti fuu nkpen mubaa ni, le ki kan nnyun dɔ. Le uja ngbaan bui Filip, “Lik, nnyun sɔ. Aa ga ŋmaa muin mi nnyun ni dandana wee ee?” [

Rom Yaab 15:6

aan ni mɔmɔk li kpaan kimɔbaan ki nyuŋ Uwumbɔr, u ye Tidindaan Yesu Kristo aate na.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

1 Korenti 6:20

Uwumbɔr daa nimi le ki pan. Naa yeh nibaa, Uwumbɔr le yeh nimi. Nima pu na, ni di nimi aawon tun lituln li ga nyuŋ Uwumbɔr na.

Efesusi 5:19

ki li gaa Uwumbɔr aalahn ni ilahn i bi waagbaŋ ni na tɔb chee man, ki li yikr tiwanyikrkaan, ki gaa ilahn tii Tidindaan, ki pak u nisui ni.

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.