Ilahn 86:1 - Uwumbɔr aagbaŋ

¹ Uwumbɔr, pel m chee ki kii maayim, ba pu? maa kpa uteter, kaa kpa mpɔɔn mu.

Ilahn 86:1 ပူးပေါင်းရင်းမြစ်များ

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 102:1

Uwumbɔr, li pel maameel ki ŋun maah wii ki ban nterm pu na.

Ilahn 102:17

U ga ŋun waah yii waanib bi na pu ki pel baameel.

Ilahn 119:22

Maah joo saakaal pu na, nyan mi baasiibil ni baalaar ni.

Ilahn 140:12

Uwumbɔr, m nyi ke aa ter bigiim baabɔr ni, ki tii maa‑kpa‑dam baabamɔn.

Ilahn 142:1

M yin Uwumbɔr ki ban nterm la; m gaŋni u la.

Ilahn 17:6

Uwumbɔr, m mee si la, ba pu? aa keei mi, kina pu na, fenn ni m chee ki ŋun maamɔbon.

Ilahn 25:16

Uwumbɔr, fenn lik mi, ki san mi kinimbaak, ba pu? ubaa aa bi m chee, le nwon yɔl.

Ilahn 31:2

Pel m chee. Gaa mi lii dandana. Li ye u ga li kii mi na; li ye u ga gaa mi lii na.

Ilahn 34:6

Binib bi kaa kpa biteterb na yin uma la, le u gar bi; u nyani bi baabɔr mɔmɔk ni.

Ilahn 40:17

Uwumbɔr, nwon yɔl, le m ye ugiin, le saa suln mbɔr. Sin le ye Maawumbɔr u gaal mi lir na, ŋa mala ki nan ter mi.

Aisaya 37:17

Uwumbɔr, ŋun timi aameel ki lik tiwan ni bi ŋani timi na. Li pel tiwan ni mɔmɔk Senakerib len ki joo seei sin Uwumbɔr u bi, kaa kpa ndoon na.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Daniel 9:18

Uwumbɔr, pel ti chee, lik timi, ki kan taah bi tibɔr ti ponn ni na, ki lik kitiŋ ki bi di saayimbil yin ki na aamukl. Saah san unibɔn kinimbaak pu na, le ti mee si, naa ye ke ti tun ni ŋan na la.

Matiu 5:3

Binib bi nyi ke bi ye bigiim Uwumbɔr wɔb na, waanyoor bi bi pu. Bima le yeh Uwumbɔr aanaan.

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.