Ilahn 84:9 - Uwumbɔr aagbaŋ

⁹ Uwumbɔr, ŋa saanyoor ŋa timi aabɔr u sin aabaa lee u na pu.

Ilahn 84:9 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

2 Samuel 23:1

Jese aajapɔɔn David le ye uja u Uwumbɔr nan tii u liyimbil na, Uwumbɔr u Jakob mu nan dii u na le nan lee u ubɔr, uma le nan naan Israel yaab aalahn i mɔ na. David aakookoo aabɔr sɔ:

2 Bibɔrb Aabɔr 6:42

Tidindaan Uwumbɔr, taa yii saah lee ubɔr u na. Teer saah nan kpa ngeehm mu saatutunn David pu na bɔr.”

Ilahn 132:17

Do le m ga ŋa David aayaabitiib ubaa ubɔrkpaan; do le m ga kaan ubɔr u m lee u na ki ti saa n‑yoonn mu kaa kpa ndoon na.

Ilahn 17:1

Uwumbɔr, li pel maah gaŋni si ki ban ibamɔn pu na; pel maah wii ki ban nterm pu na. Ŋun maameel li bi chob na.

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 59:11

Uwumbɔr, taa ku bi ki cha maanib suln baatafadaan bɔr. Uwumbɔr u kii timi na, di saapɔɔn yaa bi ki nyaŋ bi.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ilahn 89:20

M di maakpan mu bi chain na kpir maatutunn David aayil pu, ki ŋa u ubɔr.

Ilahn 98:1

Gaa nlahnpɔɔn tii Uwumbɔr man; u tun ŋitukpaan; u di ubaa aapɔɔn mu bi chain na le kan linyaŋ.

Lituln 4:27

Tɔ, David aah nan len pu na, ni ye mbamɔn la. Ubɔr Herod, ni Pontius Pailat, ni Juu yaab, ni binib bi kaa ye Juu yaab na nan kuun kitiŋ kee ponn ni, ke bi nan ku Saatutunn Yesu u ye chain na. Uma le aa nyan ke u gaa timi lii.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

1 Samuel 16:6

Baah ti fuu na, le Samuel kan Jese aajapɔɔn u bi yin u ke Eliab na, le ki bui ubaa ke, “Uja u si do Uwumbɔr aanimbiin ni na sil ye unii u u lee na.”

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”