Ilahn 84:3 - Uwumbɔr aagbaŋ

³ Uwumbɔr Mpɔɔnsakpiindaan u ye maabɔr ni Maawumbɔr na, iyaar ŋa yaanyandil la, le naakpaa mam kpa bido, baabim bi duun saatork aabimbiln la.

Ilahn 84:3 ပူးပေါင်းရင်းမြစ်များ

2 Samuel 15:25

Le ubɔr David bui Sadok ke, “Yoor Uwumbɔr Aakaal Aadakaa ngbaan giin kitiŋ ponn ni. Uwumbɔr yaa lik ki faar mi kan, daalbaadaal u ga nan cha m ki dan, ki nan kan Dakaa ngbaan, ni nin chee u si na.

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Ilahn 42:3

M wii nwiin pu ni kinyeek la, le maanyunyunn ye maajikaar; n‑yoonn mɔmɔk kan, maadim baa mi le ke, “Saawumbɔr ngbaan bi la?”

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 5:2

Maawumbɔr u ye maabɔr na, li ŋun maah yin si ki ban nterm pu na. Uwumbɔr, m mee si la;

Ilahn 90:1

Uwumbɔr, n‑yoonn mɔmɔk kan, sin le ye timi aakookoo yaan.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Matiu 8:20

Le Yesu bui u, “Iŋɔk kpa yaah koo ibuu i ponn ni na. Inyoon i laani paacham na mu kpa yaadil. Min Unibɔn Aabo ma aa kpa maah ga doon nin chee na.”